David de mármore (Donatello)
_01.JPG)
O David de mármore de Donatello é unha escultura da etapa de mocidade deste grande artista. Data de 1408-1409, é de mármore branco e mide 191 de altura, cunha base de 57,5 x 32 cm. Consérvase no Museo Nazionale del Bargello en Florencia, no mesmo cuarto que o famoso David de bronce, o traballo de plena madureza do artista.
Historia[editar | editar a fonte]
O traballo é un dos primeiros atribuíbeis con certeza a Donatello, que nese momento, tiña pouco máis de trinta anos, a miúdo traballou para a Opera do Duomo de Florencia. O encargo era para a galería do coro, unha estrutura octogonal, en torno ao altar central, que agora xa non existe, foi desmantelado no século XIX.
En calquera caso, a estatua xa non se atopaba na Catedral dende 1416, cando foi comprada pola Signoria, para trasladalo ao Palazzo Vecchio. Importante é o significado político que se atribúe a David, como un símbolo de carácter indomable e libertario da República de Florencia, que, como é lóxico, tamén encargou a principios do século XVI, o famoso David de Michelangelo. Ten unha inscrición ao pé da escultura:
Descrición[editar | editar a fonte]
_02.JPG)
David está representado no momento da vitoria e inmediatamente despois da derrota do xigante Goliat, cuxa cabeza se atopa aos seus pés, coa pedra inda no medio da fronte.
Os brazos son desproporcionadamente longos, pero xa se incorporaron elementos do repertorio clásico, coma algún detalle anatómico realista: as mans, o torso, a súa cabeza coroada de amaranto (símbolo profano). A expresión do rostro é un pouco inexpresiva, pero a pose e a actitude parecen expresar o orgullo da súa conciencia divina. O desprazamento do peso sobre a perna dereita co torso torcido cara ao lado oposto, indica a intención para crear un maior dinamismo co clásico contrapposto.
Véxase tamén[editar | editar a fonte]
Bibliografía[editar | editar a fonte]
- Wirtz, Rolf C. (1998). Donatello 1386-1466 (en inglés). Könemann. ISBN 3-8290-0244-0.
