DSQUARED2
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2012.) |
 | Este artigo é orfo, xa que carece doutros artigos que apunten cara a el. Por favor, engade ligazóns a esta páxina desde outros artigos relacionados con este. |
Dsquared² é unha cadea de tendas de moda fundada polos irmáns Dean e Dan Caten.
Dean e Dan Caten[editar | editar a fonte]
Dean e Dan Caten (o verdadeiro apelido é Catenacci), son dous irmáns xemelgos nados en Toronto, Canadá, en 1964. Eran os máis novos de nove irmáns, e os seus pais tiñan procedencia italiana. Dean e Dan son, actualmente, os fundadores e propietarios, ademais de deseñadores da firma de roupa Dsquared².
En 1983, mudáronse a Nova York coa intención de estudar na Nova Escola de Deseño Parsons, pero a súa estancia durou só un semestre. Pero no ano 1986 atoparon un aval financeiro e lanzaron a súa marca de roupa para mulleres, DEanDan. En 1988 comezaron a traballar para Ports International, á vez que lanzaban a súa liña de lecer, Tabi International. En 1991, trasladáronse a Milán, onde traballaron para firmas coma Versace e Diesel, o último que os financiou e puxo en marcha a súa marca homónima. Debutaron cunha marca para homes no 1994, e en 2003, lanzaron as súas coleccións para muller e roupa interior masculina.
Deseño e espectáculos de moda[editar | editar a fonte]
Son famosos polo deseño da roupa e a "explosión de enerxía" dos seus espectáculos. O seu desfile do 2005, finalizou con Christina Aguilera sacándolle a roupa aos modelos masculinos. No 2007, o desfile contivo unha actuación de Rihanna e no ano 2010, Bill Kaulitz descendeu do teito nunha gaiola-ascensor.
Os seus deseños os visten numerosas estrelas. En 2000-2001, Madonna encargoulles 150 pezas para o seu tour Drowned e o seu videoclip "Don't Tell Me". Ademais, Dsquared² deseñou tamén o vestiario levado por Britney Spears en Circus e o tour de Tokio Hotel Welcome to Humanoid City.
Tamén actuaron en America's Next Top Model e aparecen nos videoclips "Clumsy", de Fergie, e "I gotta feeling":, dos Black Eyed Peas.
No 2006, foron seleccionados para deseñar o equipamento do club de fútbol do Juventus.
Premios[editar | editar a fonte]
Foron premiados no 2003 co GQ Deseñador debutante do ano. En 2006 , recibiron o Golden Needle Award, seguindo os pasos doutros deseñadores coma Oscar de la Renta, Gianni Versace, Manolo Blahnik, Jean Paul Gaultier, John Galliano ou Tom Ford.
O 16 de xuño do 2009 recibiron unha estrela no Paseo da Fama do Canadá, cuxa inauguración foi o 12 de setembro dese mesmo ano.
Televisión e radio[editar | editar a fonte]
Estes irmáns teñen o seu propio programa de radio, chamado "Dean and Dan on Air: Style in Stereo" (Dean e Dan no aire:estilo en estéreo). O show comezou a emitirse na canle BPM e contén gran variedade de música (algunha dela procedente dos desfiles de Dsquared²) e que tamén inclúe entrevistas con celebrities e debates sobre moda e política. Tamén colaboran habitualmente como invitados e xuíces de Launch of Mine, un reality show que comezou a emitirse o 2 de decembro do 2009. .
Véxase tamén[editar | editar a fonte]
Ligazóns externas[editar | editar a fonte]
- Dsquared² in the Fashion Model Directory