Conversa categoría:Reintegracionismo

As interwikis son falsas. Nacionalismo galego non é o mesmo ca reintegracionismo. Cómpre unha corrección urxente. --Atobar ^{(conversa comigo)} 15:23, 26 xuño 2009 (UTC)

Non sei se é pertinente esta categoría. paréceme claro que non debe ir colgada da categoría Política de Galicia, porque entón non vai referido ó reintegracionismo lingüístico senón ó político (unión con Portugal). Non sei cal debería se-la denominación desta categoría no caso de ser necesaria a súa creación. A ver que máis opinións hai. Alberte ^{Si, dígame?} 15:36, 26 xuño 2009 (UTC)

• Neutro. Certamente, non as teño todas comigo, e menos cando despois de meses de tranquilidade, nunha mesma semana aparecen varios usuarios co mesmo cisma e tentando facerse un oco onde proporcionalmente non o teñen. Algo raro non se pode dicir que non sexa. Por outra banda, tampouco pasaría nada por crear a categoría e meter o propio artigo de reintegracionismo como artigo principal e un par deles coma o da revista Portugaliza e mais o da AGAL ou o da AGLP por tras. Francamente, nunhas circunstancias normais, é dicir, se fose unha proposta dun usuario de vello que lle dese un pouco a todo e desocate se dese de conta da ausencia desta categoría e xa que logo a propuxese, daquela eu non vería maior problema, pero tratándose dun usuario que non fixo outra cousa máis ca artellar á calada pequenas mudanzas nos artigos unicamente referidos ao reintegracionismo, a min, digo, dáme a pensar. Amais, non quero seguir perdendo tempo con este tema, porque o proxecto ten que seguir avanzando e isto está lonxe de tocar o grosso do traballo. Un saúdo. --Atobar ^{(conversa comigo)} 15:46, 26 xuño 2009 (UTC)

• Esta categoría é do tipo das que requiren debate previo antes de crearse por varios motivos: préstase ao uso con efectos propagandísticos, a clasificacións dubidosas ou incorrectas, segundo os casos mesmo unha clasificación artificial ou falta de imparcialidade. Un cordial saúdo. --Prevert^gl 15:48, 26 xuño 2009 (UTC)

• Home é certo que o do reintegracionismo ten unha compoñente "política" pero eu tamén penso que non debería ir no de categoría Política de Galicia... Non sei, igual na de «Lingüística» e conviría tamén crear unha chamada «Isolacionismo». Home, a maioría das categorías poden ser usadas propagandísticamente p.ex.a de «nacionalismo galego» (aínda que se o pensamos é do qeu se trata, para iso están as categorías, para ampliar os coñecementos sobre un campo do saber ligando diferentes artigos, «propagar» a información), mais esa categoría ao igual que a de «reintegracionismo», son úteis, que é do que se trata. Esta etiqueta penso que é de utilidade se alguén está a procurar info sobre o rientegracionismo pois pode ligalo con outros artigos interesantes da temática: a filólogos defensores, organizacións ou aspectos teóricos representativos desta corrente filolóxica.--83.42.12.235 16:08, 26 xuño 2009 (UTC)

Estou en completo desacordo coa creación do artigo isolacionismo. Isolacionismo: doutrina política que propugna a non intervención dun país en asuntos internacionais. Que ten que ver? Se se refire ó emprego que lle dan os sectores reintegracionistas de isolamento, segundo eles, do galego, coido que é un termo despectivo. Dende cando que unha lingua sexa unha lingua é motivo de aillamento? Non é neutral esa categoría, ademais de innecesaria. Poño o parche antes da ferida porque vexo vi-lo tema. Alberte ^{Si, dígame?} 16:28, 26 xuño 2009 (UTC)

Home, eu cando estudaba no instituto no meu libro de texto cando explicaba o nacemento da norma oficial, puñan «reintegracionismo» e «isolacionismo» para se referir ás dúas correntes. Non creo que sexa despectivo, sobre todo tendo en conta que ese libro estaba escrito na norma oficial.--83.42.12.235 16:50, 26 xuño 2009 (UTC)

• No instituto estivemos todos. Que libro tiñas? Insisto: referencias, datos verificábeis, certezas, fundamento, argumentación con estatísticas oficiais, termos aceptadas polas institucións competentes, etc. Para opinións, cadaquén ten a súa. A galipedia non é o lugar para as expor. Se dis que o teu libro puña iso, facilita os datos, a páxina, o parágrafo e a liña, se existir. Saúdos. --Atobar ^{(conversa comigo)} 16:53, 26 xuño 2009 (UTC)
  • No dicionario de Ir Indo é a única definición que dan (doutrina política que propugna a non intervención dun país en asuntos internacionais). No Xerais e no dixital da RAG nin sequera vén. Creo que son fontes suficientemente acreditadas. Alberte ^{Si, dígame?} 16:56, 26 xuño 2009 (UTC)
  • Pois tamén é verdade hai que dar datos. A verdade é que os meus libros a saber onde quedan, pero aí van algún textos serios (nos qeu se supón qeu non se insulta -ou sería de esperar que non :P) onde se utiliza a palabra isolacionismo para referirse a estas posicións filolóxicas: LÓPEZ SUEVOS, R.:"Aspectos políticos da confrontación isolacionismo/reintegracionismo", in ANT, núm. 171.(1982); PEETERS, YVO JD.: "Isolationnisme et reintegrationnisme dans les relations linguistiques Galice-Portugal", in H. GOETSCHY; A.-L. SAGUIN (dirs.) Langues régionales et relations transfrontalières en Europe, L'Harmattan, Paris, pp. 71-76.(1995); PRIETO ALONSO, D.:"Níveis de representaçom fonológica e gráfica: Reintegracionismo e Isolacionismo", in TeEns., vol. I, núm. 4-5, pp. 77-84; in Agá., núm. 1 (primavera), pp. 43-50.(1985). Agora que igual que eu teño que dar probas documentais de que a palabra isolacionismo é utilizada academicamente, ti tamén tes qeu dar probas documentais de que é usada pexorativamente (ademais de en foros e por aí nos que tanto "reintegracionista" coma "isolacionista" son usados pexorativamente, pero iso son outras historias).--83.42.12.235 17:35, 26 xuño 2009 (UTC)
• Entón como queda? Mantense a categoría Reintegracionismo? Mudase para Lingüística?--83.42.12.235 18:48, 26 xuño 2009 (UTC)

Centrar o debate

Unha vez máis, estamos con desvaríos esteriles cando se trata desta cuestión. Ip 83.42.12.235, os datos que forneces están tirados da internet, e todos, sen excepión, veñen de fontes reintegracionistas, que sexa como for non representan máis ca unha parte, e para caso ínfima. Aí van as webs do que citas: [1], [2] Isto non é serio. De novo, estamos perdendo o tempo. O reintegracionismo está ben para quen o queira, pero a Galipedia non está nin moito menos ao seu servizo. Eu, unha vez máis, dou por rematada a miña contribución a este debate a todas luces baleiro e que non achega nada de proveito ao proxecto. Canto ao acaído da categoría, propoño borrala e se no seu momento se considera fóra de sospeitas e necesaria, daquela non haberá problema ningún en creala novamente.

• Extraído do texto «O proceso de codificación do galego moderno (1950-1980) de ALONSO PINTOS, Serafín, Fundación Pedro Barrié de la Maza, D.L. 2006. - 344 p.; 24 cm. - (Biblioteca Filolóxica Galega).- D.L.: C-1697-2006 - ISBN: 84-95892-54-5 (a negriña é miña):

O horizonte que aquí se establece propende asemade a abandonar para sempre o que Valentín Paz-Andrade denomina o “preito rexional”. A denominación preito rexional ten un campo de significación asimilable ao que hoxe coñecemos por autonomismo ou isolacionismo, corrente de estandarización que constitúe, como sabemos, a tendencia maioritaria do activismo galeguista desde a época do Rexurdimento. Para o noso autor, é xusto esta tendencia tradicional na elaboración do idioma a que hai que rexeitar. O que Paz-Andrade demanda é un cambio de rumbo. Ao seu entender, cómpre abandonar o enfoque tradicional do problema do galego (Paz-Andrade 1968: 128) para embarcarnos con urxencia na aventura lingüística deseñada por el para nos proxectar no mundo.

Tranquilo, respira, deixa as conspiranoias para o 11-S. Tan só tento debater, sen exaltarnos e sen dogmatismos. Non creo que isolacionista/isolacionismo sexa un insulto (ao igual qeu reintegracionista) e creo qeu está suficientemente documentado o seu uso a un nivel académico para se referir a esas posturas filolóxicas. se te fixas un dos textos está en normativo, outro é dun autor supoño qeu francés (porque está escrito nesa lingua) e outro, vale ese si qeu é reintegracionista (á fogueira con el, isto último é broma, non te vaias a enfadar).--83.42.12.235 18:07, 26 xuño 2009 (UTC)

Crear a categoría isolacionismo é un disparate, non teño outra palabra e non vou entrar en debates absurdos.--RNC 18:28, 26 xuño 2009 (UTC)