Contratiempo é un filme español de 2016 dirixido por Oriol Paulo. É o segundo filme de suspense dirixido por Paulo, despois de El cuerpo (2012). O filme estreouse en España o 6 de xaneiro de 2017.
Contratiempo tivo unha boa acollida por parte da crítica, e foi un éxito de recadación, conseguindo 30,5 millóns de dólares sobre un orzamento de 4 millóns.
Adrián Doria, un mozo e exitoso empresario, esperta no cuarto dun hotel xunto ao cadáver da súa amante. Acusado de asasinato, decide contratar os servizos de Virginia Goodman, a mellor preparadora de testemuñas do país. No transcurso dunha noite, asesora e cliente traballarán para atopar unha dúbida razoable que lle libre do cárcere.
