Constanza, duquesa de Lancaster
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde novembro de 2013.) |
| Constanza, duquesa de Lancaster | |
|---|---|
.jpg) | |
| Nacemento | 1354 |
| Lugar de nacemento | Castrojeriz |
| Falecemento | 24 de marzo de 1394 |
| Lugar de falecemento | Castelo de Leicester |
| Soterrada | Church of the Annunciation of Our Lady of the Newarke |
| Nacionalidade | Coroa de Castela |
| Relixión | catolicismo |
| Ocupación | política |
| Pai | Pedro I de Castela |
| Nai | Maria de Padilla |
| Cónxuxe | Xoán de Gante |
| Fillos | Catarina de Lancaster e John Plantagenet |
| Irmáns | Isabel de Castela, Duquesa de Iorque, Sancho de Castilla, Jean de Castille e Diego de Castilla |
| Na rede | |
   | |
| [ editar datos en Wikidata ] | |
Constanza de Lancaster ou Constanza de Castela, nada en 1354 en Castrojeriz e finada o 24 de marzo de 1394 no castelo de Lancaster, foi unha nobre castelá, duquesa de Lancaster desde 1371 até á súa morte.
Traxectoria[editar | editar a fonte]
Constanza era filla lexítima de Maria de Padilla e de Pedro I de Castela. Descendía, por vía paterna, dos reis de Portugal, pois a súa avoa paterna, a infanta María de Portugal, era filla de Beatriz de Castela e de Afonso IV de Portugal, e o seu avó paterno, Afonso IX de Castela, era fillo da infanta Constanza de Portugal e de Fernando IV de Castela.
Tras a morte do seu irmán, o príncipe herdeiro Afonso, en 1362, tendo el só 3 anos, Constanza foi nomeada herdeira de seu pai, pois era a súa filla máis vella (máis aló dela, só había as súas irmás, Beatriz, e Sabela).
Coa morte do pai, asasinado polo medio-irmán Henrique, en 1369, o trono dos reinos da Coroa de Castela fica sen herdeiro.
Os pretendentes ao trono eran Constanza, con só 15 anos e o seu tío ilexítimo Henrique de Trastámara, medio-irmán de seu pai e bastardo de Afonso XI de Castela e de Leonor de Guzmán.
En 1371, Constanza casa con Xoán de Gante, duque de Lancaster ou Lencastre (nome dado en Galiza e Portugal), fillo de Eduardo III de Inglaterra e de Filipa de Hainaut, posteriormente, ela e o seu marido serían aférrimos pretendentes ao trono da Coroa de Castela, chegando temporalmente dominar o reino de Galiza que lle solicitara axuda contra o castelán Henrique de Trastámara.
Esta cuestión ficou resolta coa subida ao trono de Henrique, en 1372.
Do casamento de Constanza e de Xoán de Gante, naceron:
- Catarina de Lancaster ou Plantagenet (1372?1418), consorte de Henrique III de Castela.
- Xoán Plantagenet (1372-1375).
Constanza faleceu en 1394, con tan só 40 anos, precozmente, debido á peste.
