Comisión presidencial para o estudo da ditadura comunista en Romanía

Na Galipedia, a Wikipedia en galego.

A Comisión presidencial para o estudo da ditadura comunista en Romanía (en romanés: Comisia Prezidenţială pentru Analiza Dictaturii Comuniste din România), tamén coñecida coma A comisión de Tismăneanu (Comisia Tismăneanu), é unha comisión instituída en Romanía polo Presidente Traian Băsescu para investigar o réxime comunista e achegar un informe completo que permita a condena do Comunismo tal e como foi vivido en Romanía.

Historia[editar | editar a fonte]

Formada no mes de abril do ano 2006 como un xurado liderado polo analista político Vladimir Tismăneanu, centrouse en examinar as actividades das institucións que impuxeron e perpetuaron a ditatura comunista, "os métodos que fixeron posible os abusos, asasinatos, crimes da ditadura, a violación dos dereitos humanos e o papel dalgunhas figuras políticas no mantemento e funcionamento do réxime totalitario en Romanía".

A comisión presentou o seu informe final no parlamento o 18 de decembro de 2006. Foi adoptado coma documento oficial da presidencia romanesa e publicado na súa web. O informe confirmou a Romanía coma o primeiro país do antigo bloque do leste en condenar oficialmente o réxime comunista.[1][2][3] A calidade, conclusións e elección dos membros da Comisión do informe están suxeitos a debate no seo da sociedade romanesa. A partir do 8 de xaneiro de 2007, fixéronse modificacións no informe para corrixir erros e omisións.[4]

Notas[editar | editar a fonte]

  1. ↑ EuroNews, ed. (18/12/2006). ""Romania condemns its communist past"". Arquivado dende o orixinal o 04/02/2020. Consultado o 04/02/2020. 
  2. ↑ International Herald Tribune, ed. (2006-12-19). ""Romanian president, in a first for the nation, condemns its Communist dictatorship"". Arquivado dende o orixinal o 22 de decembro de 2006. Consultado o 2006-12-19. 
  3. ↑ The New York Times, ed. (19/12/10). ""Romanian Leader Condemns Communist Rule"". Consultado o 19/12/10. 
  4. ↑ The modification note on the web site of the Romanian Presidency http://www.presidency.ro/?_RID=htm&id=83

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Comisión_presidencial_para_o_estudo_da_ditadura_comunista_en_Romanía&oldid=5883076»