Climats, terroirs de Borgoña

Climats, terroirs de Borgoña
	Viñedo en Borgoña, nas proximidades de Beaune
	; Borgoña
Patrimonio da Humanidade - UNESCO
País	Francia
Localización	Borgoña
Tipo	Cultural
Criterios	III, V
Inscrición	2015 (39º Sesión)
Rexión da UNESCO	Europa e América do Norte
Identificador	1425
	v; c; e;

Climats, terroirs de Borgoña é unha paisaxe cultural e unha serie de sitios que exemplifican as prácticas da viticultura da rexión do viño de Borgoña. Os climats son pequenas parcelas de terreo delimitadas con precisión que se diferencian entre si polo microclima, xeografía, solo e tipo de uva. Os climats de Borgoña son o berce do sistema terroir sistemas do viño francés, onde cada rexión xeográfica ten o seu propio viño único.^[1] A rexión foi inscrita na Lista do Patrimonio Mundial da UNESCO en 2015 debido á súa importancia histórica e á súa importancia na produción e desenvolvemento do viño.^[1]

Descrición e historia[editar | editar a fonte]

O patrimonio da humanidade consta de dúas partes: A primeira é o centro histórico de Dijon, onde os climats precisamente parcelados definíronse e regulados dende a Idade Media. A segunda parte do sitio engloba os viñedos e os sitios de produción de viño preto da cidade de Beaune e as rexións de Côte de Nuits e Côte de Beaune ao sur de Dijon. A rexión está dominada por solos arxiloso-calcarios, pero a variación extrema na composición do solo, microclima e xeografía levou a unha gran diversidade de viños.^[1] En total, existen aproximadamente 1247 climats diferentes, cada un deles coa súa propia definición particular e certificación pola Denominación de orixe controlada (AOC). Moitos dos límites destas parcelas (marcados por camiños, muros de pedra ou valados) construíronse en 1938 e aínda son visibles na actualidade.^[1]

Nos séculos V e VI, coa expansión do cristianismo na comarca, establecéronse viñedos nas ladeiras das Côtes. O desenvolvemento da orde cisterciense no século XI e a propiedade dos viñedos por parte da burguesía nos séculos XII e XIII contribuíron ao carácter moi parcelado da paisaxe.^[2] No século XVI desenvolveuse o concepto de climats, cada parcela contando co seu propio viño. Este sistema desenvolveuse na AOC e no concepto actual de describir os viños desde o lugar preciso no que foron producidos.^[2]

Notas[editar | editar a fonte]

Referencias

↑ ^1,0 ^1,1 ^1,2 ^1,3 "The Climats, terroirs of Burgundy". UNESCO World Heritage Centre. United Nations Educational, Scientific, and Cultural Organization. Consultado o 15 de xaneiro de 2022.
↑ ^2,0 ^2,1 The Burgundy Climats (France): No 1425 (PDF) (Informe). ICOMOS. 12 de marzo de 2015. Consultado o 15 de xaneiro de 2022.