Claudette Colvin

Na Galipedia, a Wikipedia en galego.
Claudette Colvin
Claudette Colvin.jpg
Nome completoClaudette Austin
Nacemento5 de setembro de 1939
Lugar de nacementoMontgomery
NacionalidadeEstados Unidos de América
EtniaAfroamericano
Alma máterWashington High School
Ocupaciónactivista polos dereitos civís e unlicensed assistive personnel
Na rede
WikiTree: Austin-14636
[ editar datos en Wikidata ]

Claudette Colvin, nada en Montgomery (Alabama) o 5 de setembro de 1939,[1] é unha auxiliar de enfermaría estadounidense, pioneira do movemento dos dereitos civís na década de 1950. O 2 de marzo de 1955 foi arrestada con 15 anos en Montgomery por negarse a ceder o seu asento a unha muller branca nun autobús segregado cheo de xente. Isto ocorreu nove meses antes do incidente máis coñecido en que Rosa Parks, secretaria da sección local da NAACP, axudou a acender o boicot aos autobuses de Montgomery de 1955.[2]

Colvin foi unha das cinco demandantes no primeiro caso na corte federal presentado polo fiscal polos dereitos civís Fred Gray o 1 de febreiro de 1956, Browder v. Gayle, para desafiar a segregación nos autobuses da cidade. Nun xulgado do distrito, testificou ante tres xuíces que oíron o caso. O 13 de xuño de 1956, os xuíces determinaron que as leis locais e estatais sobre a segregación nos autobuses en Alabama eran inconstitucionais. O caso chegou á Corte Suprema dos Estados Unidos de América por unha apelación do estado, e que mantivo a decisión do xulgado do distrito o 17 de decembro de 1956. Tres días despois, a Corte Suprema afirmou a orde a Montgomery e ao estado de Alabama de que rematasen coa segregación, e entón cesou o boicot.

Durante moitos anos, os líderes negros de Montgomery non deron publicidade ao feito pioneiro de Colvin. Nese momento, era unha adolescente solteira, e supostamente quedou embarazada dun home casado.[3][4] Colvin dixo que "a mocidade pensa que Rosa Parks só sentou nun bus e rematou a segregación, pero ese non foi o caso en absoluto".[5][6] Está amplamente aceptado que Colvin non foi recoñecida nas campañas polos dereitos civís no seu tempo porque quedou embarazada pouco despois do incidente, e mesmo Rosa Parks dixo que "se a prensa branca conseguise esa información, aproveitaríana ao máximo. Chamaríana mala rapaza e o caso non tería oportunidade ningunha".[3][7]

Notas[editar | editar a fonte]

  1. ↑ "Claudette Colvin". Biography.com (en inglés). Consultado o 2018-01-29. 
  2. ↑ "Before Rosa Parks, Claudette Colvin Stayed in Her Bus Seat". aauw.org. 21 de marzo de 2012. Arquivado dende o orixinal o 22 de novembro de 2019. Consultado o 26 de maio de 2019. 
  3. ↑ 3,0 3,1 Staff, Guardian (16 de decembro de 2000). "Weekend: Civil rights heroine Claudette Colvin". The Guardian (en inglés). ISSN 0261-3077. Consultado o 24 de outubro de 2019. 
  4. ↑ Kramer, Sarah Kate (2 de marzo de 2015). "Before Rosa Parks, A Teenager Defied Segregation On An Alabama Bus". NPR. Consultado o 2 de marzo de 2018. 
  5. ↑ Barnes, Brookes (26 de novembro de 2009). "From Footnote to Fame in Civil Rights History". The New York Times. 
  6. ↑ Hoose, Phillip (2009). Claudette Colvin: Twice Towards Justice. Melanie Kroupa Books. ISBN 978-1429948210. 
  7. ↑ Orixinal en inglés: "If the white press got ahold of that information, they would have [had] a field day. They'd call her a bad girl, and her case wouldn't have a chance."

Véxase tamén[editar | editar a fonte]

Bibliografía[editar | editar a fonte]

  • Phillip Hoose. Farrar, Straus and Giroux (BYR), Claudette Colvin, Twice Toward Justice. (2009). ISBN 0-374-31322-9.
  • Taylor Branch. Nova York, Simon & Schuster Paperbacks, Parting The Waters - American in the King Years 1954-63. (1988). ISBN 0-671-68742-5.

Ligazóns externas[editar | editar a fonte]

Traído desde «https://gl.wikipedia.org/w/index.php?title=Claudette_Colvin&oldid=5823550»