Chernobyl (miniserie)

Chernobyl
Creado por	Craig Mazin
Desenvolvido por	Sister Pictures; The Mighty Mint; Word Games;
Dirixido por	Johan Renck
Intérpretes	Jared Harris; Stellan Skarsgård; Paul Ritter; Jessie Buckley; Adam Nagaitis; Con O'Neill; Adrian Rawlins; Sam Troughton; Robert Emms; Emily Watson; David Dencik; Mark Lewis Jones; Alan Williams; Alex Ferns; Ralph Ineson; Barry Keoghan; Fares Fares; Michael McElhatton;
Tema de apertura	Hildur Guðnadóttir
País de orixe	Estados Unidos; Reino Unido
Lingua(s)	Inglés
Temporadas	1
Episodios	5
Produción
Produtor(es); executivo(s)	Craig Mazin; Carolyn Strauss; Jane Featherstone; Johan Renck; Chris Fry;
Localización(s)	Lituania e Ucraína
Cámara	Unha cámara
Duración	60–72 minutos
Emisión orixinal
Canle de orixe	HBO
Primeira emisión	6 de maio de 2019
Derradeira emisión	3 de xuño de 2019
Na rede
	https://www.hbo.com/chernobyl
	[ editar datos en Wikidata ]

Chernobyl é unha miniserie de televisión de drama histórico creada e escrita por Craig Mazin e dirixida por Johan Renck para HBO. A serie céntrase no desastre nuclear de Chernóbil que ocorreu en abril de 1986 e os esforzos de limpeza sen precedentes que o seguiron. Producida por HBO en asociación con Sky UK, conta cun elenco liderado por Jared Harris, Stellan Skarsgård e Emily Watson.

A serie emitiuse en cinco partes nos Estados Unidos de América o 6 de maio de 2019 e foi aclamada pola crítica. Nos Premios Primetime Emmy, recibiu seis nomeamentos, incluíndo a de mellor miniserie e mellores actuacións para Harris, Skarsgård e Watson.

Sinopse[editar | editar a fonte]

Chernobyl dramatiza "a verdadeira historia dunha das peores catástrofes provocadas polo home e fala dos valentes homes e mulleres que se sacrificaron para salvar a Europa dun desastre inimaxinable. A miniserie céntrase no desgarrador alcance do desastre da planta nuclear que ocorreu en Ucraína en abril de 1986, revelando cómo e por que ocorreu, ademais contando as sorprendentes e notables historias dos heroes que loitaron e caeron".^[1]

Elenco[editar | editar a fonte]

Jared Harris como Valery Legasov
Stellan Skarsgård como Boris Shcherbina
Emily Watson como Ulana Khomyuk
Paul Ritter como Anatoly Dyatlov
Jessie Buckley como Lyudmilla Ignatenko
Adam Nagaitis como Vasily Ignatenko
Con O'Neill como Viktor Bryukhanov
Adrian Rawlins como Nikolai Fomin
Sam Troughton como Aleksandr Akimov
Robert Emms como Leonid Toptunov
David Dencik como Mikhail Gorbachev
Mark Lewis Jones como Vladimir Pikalov
Alan Williams como Charkov
Alex Ferns como Andrei Glukhov
Ralph Ineson como Nikolai Tarakanov
Barry Keoghan como Pavel Gremov
Fares Fares como Bacho
Michael McElhatton como Andrei Stepashin

Produción[editar | editar a fonte]

Desenvolvemento[editar | editar a fonte]

O 26 de xullo de 2017, anunciouse que HBO encargou a serie Chernobyl, a súa primeira coprodución con Sky Television. A miniserie de cinco episodios foi escrita por Craig Mazin e dirixida por Johan Renck. Mazin tamén exerceu como produtor executivo xunto con Carolyn Strauss e Jane Featherstone, con Chris Fry e Renck actuando como produtores co-executivos.^[1]^[2]

O 11 de marzo de 2019, anunciouse que a miniserie se estrearía o 6 de maio de 2019.^[3]

Casting[editar | editar a fonte]

Simultaneamente co anuncio da serie, confirmouse que Jared Harris protagonizaría a mesma.^[2] O 19 de marzo de 2018, anunciouse que Stellan Skarsgård e Emily Watson se unirían ao elenco principal.^[4] En maio de 2019, anunciouse que Paul Ritter, Jessie Buckley, Adrian Rawlins e Con O'Neill tamén se uniron ao elenco.^[5]