Chema Alonso
- Non confundir con Chefa Alonso, saxofonista e compositora galega.
  | |
| Biografía | |
|---|---|
| Nacemento | 1975 (50/51 anos) Madrid |
| Educación | Universidade Politécnica de Madrid Universidade Rei Xoán Carlos |
| Actividade | |
| Ocupación | Executivo, pantasma |
  | |
José María Alonso Cebrián, popularmente coñecido como Chema Alonso, nado en Madrid en 1975, é un executivo, hacker e experto en ciberseguridade español.[1]
Traxectoria
[editar | editar a fonte]Formación
[editar | editar a fonte]Alonso fixo enxeñería informática pola Universidade Rey Juan Carlos e enxeñería informática de sistemas pola Universidade Politécnica de Madrid, onde foi distinguido como Embaixador Honorífico da Escola Universitaria de Informática en 2012.[2] Fixo o doutoramento en Seguridade Informática na Universidade Rey Juan Carlos de Madrid.
Carreira profesional
[editar | editar a fonte]En 1999 comezou a traballar como consultor de seguridade na empresa Informática 64, de seguridade informática, que finalmente dirixiu. Desde 2009 dirixe tamén o máster de Seguridade de Información da Universidade Europea de Madrid.
En 2005 a multinacional Microsoft concedeulle o prestixioso galardón Microsoft MVP (Microsoft Most Valuable Professional) na área de seguridade corporativa.[3]
Alonso incorporouse á multinacional Telefónica en 2013 ao realizarse a compra de Informática 64, adquirida co nome de ElevenPaths e da cal é director executivo. En Telefónica ocupa tamén o cargo de CDO (Chief Data Officer) desde 2016. Na empresa é responsable, entre outros, da ciberseguridade global e da seguridade dos datos.[4]
Compaxinou o seu traballo coa publicación de varios libros, así como con participacións periódicas sobre ciberseguridade en medios de comunicación tales como a cadea de emisoras COPE (programa "Las Mañanas") e laSexta.[5]
Hacker
[editar | editar a fonte]Alonso é considerado un dos maiores hackers de España, pero sen connotacións negativas, dado que na súa opinión un hacker non necesariamente debe asociarse á ciberdelincuencia.[6] Isto vén corroborado polas súas numerosas participacións en múltiples conferencias nacionais e internacionais de ciberseguridade, das que destacan BlackHat e DEF CON (nesta última é o español que máis veces participou).[7]
Notas
[editar | editar a fonte]- ↑ "Equipo directivo: Chema Alonso". telefonica.com.
- ↑ "Chema Alonso, embajador de la EUI". UPM.
- ↑ "Chema Alonso – Hacker – MVP Microsoft".
- ↑ "Trayectoria profesional". LinkedIn. Arquivado dende o orixinal o 24 de marzo de 2024. Consultado o 21 de maio de 2017.
- ↑ "Chema Alonso, el «hacker» que puso en boca de todos la ciberseguridad". ABC.
- ↑ Morales, Carlos (24 de abril de 2017). "Chema Alonso: una entrevista con el hacker español más famoso". forbes.com.mx (en castelán). Forbes. Consultado o 3 de setembro de 2026.
- ↑ "DEFCON 19 Speakers". DEFCON.
Véxase tamén
[editar | editar a fonte] |
Wikimedia Commons ten máis contidos multimedia na categoría: Chema Alonso |
