Catacumbas de París

Na Galipedia, a Wikipedia en galego.
Cripta dentro das catacumbas.

As Catacumbas de París (en francés, Les Catacombes) é un dos cemiterios máis famosos de París, capital de Francia. Componse dunha rede de túneles e cuartos subterráneos localizados no que, durante a era romana, foron minas de pedra calcaria. As minas foron convertidas nun cemiterio común a finais do século XVIII. No presente, consérvase como un osario que acolle máis de seis millóns de esqueletos humanos, a maior concentración deste tipo en Europa.[1]

A súa visita oficial comprende as minas do décimo cuarto distrito de París. Pero esta parte aberta ó público representa só o 0,5 % das "canteiras subterráneas de París" (en francés, les carrières souterraines de Paris) que se atopan no quinto, sexto, duodécimo, décimo terceiro, décimo quinto e décimo sexto distrito. A visita destas carreiras é prohibida por unha orde ministerial do 2 de novembro de 1955, aínda que esta práctica ilegal é aínda corrente

Historia[editar | editar a fonte]

Esqueletos nas catacumbas de París.

O uso destas desgastadas minas, para a almacenaxe de ósos humanos, foi estabelecido en 1786 por Charles-Axel Guillaumot, Inspector Xeral de Canteiras; todo iso debido principalmente ó exceso de restos humanos que enchían os cemiterios da cidade; ó mesmo tempo, o distrito de Ácheslles sufría de doenzas por mor da contaminación polo manexo inapropiado destes cadáveres, especialmente no cimetière des Saints-Innocents (Cemiterio dos Santos Inocentes).[2]

Anaco da "Rue da Voie Verche" parcialmente alagada.

Restos provenientes do cemiterio Saint Nicolas des Champs foron os primeiros en ser trasladados. Cadáveres das mortes causadas por desordes en Place de Grève, o Hôtel de Brienne e Rue Meslée, foron postos nas catacumbas o 28 e 29 de agosto de 1788.

O museo dedicado á historia das carreiras.

Arredor de 15 meses foron precisos para trasladar millóns de ósos provenientes de multitude de cemiterios, o cal levábase a cabo durante as noites, cruzando a cidade en carretas, finalizando na década de 1870, acumulando os restos de aproximadamente 6 millóns de parisienses.[3]

Notas[editar | editar a fonte]

  1. Les Catacombes de Paris. "Catacombs A Timeless Journey". 
  2. Las Catacumbas de París consultado o 7 de xullo de 2007
  3. Todo Leyendas Arquivado 02 de marzo de 2018 en Wayback Machine. consultado o 7 de xullo de 2007

Véxase tamén[editar | editar a fonte]

Ligazóns externas[editar | editar a fonte]