Casto Caamaño García
| Biografía | |
|---|---|
| Nacemento | c. 1880  Cee, España |
| Morte | 28 de xullo de 1951 (70/71 anos) A Coruña, España |
 Alcalde de Cee | |
| 1932 – 1933 | |
| Actividade | |
| Ocupación | político |
 | |
Casto Caamaño García, nado en Cee cara a 1880 e finado na Coruña o 28 de xullo de 1951, foi un político galego.
Traxectoria
[editar | editar a fonte]Traballaba na fábrica de Carburos Metálicos de Brens e rexentaba unha taberna na praza de Cee na que se ofrecían sesións de cine dende 1928. Dirixente da Alianza Republicana de Cee, afiliouse ao Partido Socialista e foi elixido concelleiro nas eleccións de maio de 1931. Coa renuncia a alcaldía de Segundo Trillo Durán en xuño de 1932, foi elixido alcalde de Cee, permanecendo no cargo até que renunciou o 16 de setembro de 1933. En xullo de 1936 era tenente alcalde.
Co golpe de Estado do 18 de xullo de 1936 foi multado polo gobernador civil con mil pesetas, acusado de «desafección al Glorioso Movimiento». Logo foi encausado por rebelión militar e aínda que a súa causa foi sobresida, foi sancionado polo gobernador cunha multa de 10.000 pesetas. En abril de 1941 volveu ser sancionado polo Tribunal Regional de Responsabilidades Políticas con 6 anos de inhabilitación e o pago doutras 250 pesetas. Trasladouse á Coruña onde traballou repartindo carbón. Finou na Coruña o 28 de xullo de 1951.[1]
Homenaxes
[editar | editar a fonte]En agosto de 2018 realizouse un acto de recoñecemento na Praciña do Olvido de Cee.[2][3]
Vida persoal
[editar | editar a fonte]Casou con Teresa Rial.
| Predecesor: Segundo Trillo Durán |
Alcalde de Cee 1932 - 1933 |
Sucesor: Argimiro Guillén Cereijo |
Notas
[editar | editar a fonte]- ↑ La Voz de Galicia, 29-7-1951, p. 6.
- ↑ "A Praciña do Olvido de Cee acollerá un emotivo acto ao alcalde republicano Casto Caamaño". Que pasa na costa. Diario dixital da Costa da Morte. 15-08-2018. Arquivado dende o orixinal o 19-08-2018. Consultado o 19-08-2018.
- ↑ Casto Caamaño: un ceense represaliado
