Casas Colgadas

Na Galipedia, a Wikipedia en galego.
Saltar ata a navegación Saltar á procura

Coordenadas: 40°04′40″N 2°07′42″O / 40.07778, -2.12833

Casas colgadas de Cuenca

As Casas Colgadas, tamén coñecidas como Casas Voladas ou Casas del Rey, é un conxunto de edificios civís situados en Cuenca, en España. No pasado era frecuente este elemento arquitectónico na zona leste da cidade antiga, situado fronte á fouce do río Huécar, aínda que hoxe só perduran unha pequena parte delas. De todas, as máis coñecidas son un conxunto de tres destas estruturas con balcóns de madeira.

Estas vivendas denomínanse así por posuír unha parte delas, os balcóns, en beiril, é dicir, sen material sólido baixo elas, aínda que están fixadas á parede de abaixo cara a dentro por soportes diagonais para non se derrubar.

De orixe incerta, tense constancia da súa existencia xa no século XV. Ao longo da súa historia pasaron por diversas remodelacións, sendo a máis recente a realizada durante a década dos anos 20 do século XX.

Foron utilizadas como vivendas de uso particular e Casa Consistorial, aínda que actualmente aloxan un mesón restaurante e o Museo de Arte Abstracta Español, de Cuenca.

Véxase tamén[editar | editar a fonte]

Ligazóns externas[editar | editar a fonte]