Carmen Baliñas de Castro
| Biografía | |
|---|---|
| Nacemento | 17 de marzo de 1822  Cuntis, España |
| Morte | 30 de abril de 1909 (87 anos) Cuntis, España |
| Datos persoais | |
| País de nacionalidade | España |
| Actividade | |
| Ocupación | relixiosa |
Carmen Baliñas de Castro, nada en Cuntis o 17 de marzo de 1822 e finada na mesma vila o 30 de abril de 1909,[1] foi unha relixiosa galega.
Traxectoria[editar | editar a fonte]
Filla única dunha familia de cartos, xa desde nova quixo ser monxa. En 1854 ingresou no mosteiro de San Bieito de Corella (Navarra), profesando o 30 de xaneiro de 1855. Participou no proxecto dunha fundación monástica feminina na misión de New Norcia canda a Rosendo Salvado, mais o proxecto non saíu adiante.
Decidiu investir a herdanza paterna na creación do convento de San Bieito de Pereira,[2] en Cuntis. Xunto con outras dúas monxas de Corella tomaron posesión dos edificios o 1 de xullo de 1868, mais houberon abandonalo o 17 de novembro dese mesmo ano polas leis promulgadas polo Goberno provisional tras a Revolución de 1868. Regresaron a Corella, e finalmente o 26 de novembro de 1876 instaláronse en Cuntis. O 5 de decembro dese ano o arcebispo de Santiago de Compostela, Miguel Payá y Rico, nomeouna primeira abadesa do convento e permaneceu no cargo ata o 26 de noveembro de 1891, se ben seguiu a dirixir a comunidade. En 1908 un grupo de monxas pedíronlle que suavizase as regras, e o arcebispo impúxolles as normas do mosteiro de San Paio de Oviedo, menos rigorosas ca as anteriores.[3]
Obra[editar | editar a fonte]
- Ceremonial romano monástico conforme a la concesión hecha por la santidad de Paulo V a favor de cuantos militan bajo la Santa Regla del Patriarca San Benito para uso de las benitas recoletas de Cuntis (Ourense, Gregorio Rionegro; 1884)
- Proyecto de Constituciones para las religiosas recoletas de Cuntis bajo la Regla del patriarca San Benito (inédito).
Notas[editar | editar a fonte]
- ↑ "Santiago". Gaceta de Galicia (en castelán). 10 de maio de 1909. p. 2.
- ↑ "San Bieito de Pereira". Turismo de Galicia.
- ↑ Vivancos Gómez, Miguel Carlos. "Carmen Baliñas de Castro". Diccionario Biográfico electrónico (en castelán). Real Academia de la Historia.
Véxase tamén[editar | editar a fonte]
Bibliografía[editar | editar a fonte]
- Colombás, G. M. (1978): San Benito de Cuntis: génesis, fundación y desarrollo de un monasterio de monjas en la provincia de Pontevedra. Zamora, Monte Casino.
- La tradición benedictina, vol. VIII, Zamora, Monte Casino, 1999, págs. 565-584.
