Canle de Crinan

Na Galipedia, a Wikipedia en galego.
Saltar ata a navegación Saltar á procura
Canle de Crinan, case na súa conexión co Loch Crinan

A Canle de Crinan é un canal en Argyll e Bute, no oeste de Escocia, duns 14 quilómetros de longo e que comunica o Loch Gilp co Loch Crinan.

Localización[editar | editar a fonte]

Leva o nome da vila de Crinan, que está localizada no seu extremo oeste, na ribeira do Loch Crinan, pois xunta esta poboación coa vila de Ardrishaig no Loch Gilp (ao leste). O Loch Crinan é unha baía do estreito de Jura, e o Loch Gilp unha ría do Loch Fyne.

Historia[editar | editar a fonte]

Os traballos para construír a canle comezaron en 1794, e a canle abriuse en 1801 cun deseño orixinal de John Rennie, pero con numerosos erros nas comportas que foron reparados en 1816 por Thomas Telford. O seu propósito era facilitar o transporte comercial entre Glasgow e a foz do Clyde, e as Illas Hébridas, sen ter que dar a volta ao sur da península de Kintyre e en especial, polo cabo de Kintyre, un lugar de mar aberto e perigoso a unhas poucas millas da costa setentrional de Irlanda. O transporte facíase cunhas embarcacións características desta comarca, denominadas puffers.

A canle non presentaba limitacións de altura para os barcos.

Na actualidade a canle úsana embarcacións de lecer, que aforran xornadas de navegación entre a foz do Clyde e as illas occidentais escocesas.

Ligazóns externas[editar | editar a fonte]