Camino é unha película de 2008 dirixida por Javier Fesser. O título fai referencia ao libro homónimo escrito por Josemaría Escrivá de Balaguer. Inspirada na verdadeira historia de Alexia González Barros, a filla máis nova dunha familia pertencente ó Opus Dei, que faleceu en 1985 ós 14 anos de idade, tras 10 meses de enfermidade, e que actualmente está en proceso de canonización.
Unha aventura emocional en torno a unha nena de once anos, moi relixiosa, que se enfronta ó mesmo tempo a dous acontecementos que son completamente novos para ela: namorarse e morrer. Camino é, sobre todo, unha luz brillante quen de atravesar todas e cada unha das tenebrosas portas que se van pechando ante ela, e que pretenden en van afundir na escuridade o seu desexo de vivir, amar e sentirse definitivamente leda.
