Café irlandés
O café irlandés é unha bebida produto da mestura de whisky irlandés quente, tres cubos de azucre, café negro e dous centímetros de nata.
Na forma coñecida mundialmente, foi creada en novembro de 1952 na taberna Buena Vista, en San Francisco, California, por Jack Koeppler, dono da taberna, e Stanton Delaplane, reporteiro viaxeiro. A idea era recrear a bebida (variación das bebidas quentes con licor xeralmente chamadas hot toddy) que se servía aos viaxeiros que chegaban ao aeroporto de Foynes (Irlanda) para que entrasen en calor.[1][2]
Hai quen pensa que esta bebida foi a inspiración para que Gilbeys of Ireland comezase a comercialización, en 1974, de Baileys, bebida baseada tamén en café, crema e whisky irlandés, que é ás veces chamada "café irlandés industrializado".
Notas
[editar | editar a fonte]- ↑ Coyle, Cathal (1 December 2014). Little Book of Tyrone. The History Press. ISBN 9780750962841 – vía Google Books.
- ↑ "The War Room - Foynes Flying Boat Base". www.skynet.ie. Arquivado dende o orixinal o 15 de novembro de 2017. Consultado o 21 de novembro de 2022.