CPI Virxe da Saleta

Na Galipedia, a Wikipedia en galego.
Saltar ata a navegación Saltar á procura
CPI Virxe da Saleta, San Cristovo de Cea, Ourense.

O CPI Virxe da Saleta é un centro educativo que se atopa en San Cristovo de Cea, Ourense. É un colexio público ao que asiste alumnado do propio concello e dos concellos próximos: Piñor e Maside. Nel, impártense tanto clases de educación primaria como de educación secundaria.

Instalacións[editar | editar a fonte]

Este centro está dividido en tres edificios. O edificio principal consta de dous andares e está situado no centro da parcela. Nel, atópanse dependencias coma a xefatura de estudos, a secretaría, a dirección, a biblioteca e a sala de profesores.

Tamén acolle as clases de Primaria e a aula de inglés. Despois, está o edificio onde se atopan as clases de Educación Secundaria, que tamén consta de dous andares. Acolle ó alumnado mencionado e ademais están as aulas de plástica, tecnoloxía, laboratorio, aula de música, o despacho do departamento de orientación, dúas aulas de informática e diferentes titorías e aulas para desdobres de cursos.

O edificio de infantil consta de dous andares e nel están as tres aulas de infantil e aulas de audición e linguaxe, ademais da aula de pedagoxía terapéutica. Tamén dispón dun pavillón de deportes cuberto e un ximnasio.

O colexio conta con aproximadamente 150 alumnos, repartidos entre os grupos de infantil, primaria e secundaria.

Historia[editar | editar a fonte]

Este centro foi fundado en 1968, sendo alcalde José Hipólito Rodríguez Presas. No 50 aniversario do centro reuniuse alumnado e profesorado da súa historia. Houbo un xantar popular e varios actos conmemorativos.

Premios[editar | editar a fonte]

O centro recibiu diversos premios e recoñecementos pola realización da curtametraxe de animación Os xeranios do señor Afonso (2016)[1], sobre o despoboamento no rural, que crearon algúns nenos do centro coa técnica de stop motion. Un dos recoñecementos foi no Festival Escolar Audiovisual Olloboi.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]