Code Lyoko: Evolution

Na Galipedia, a Wikipedia en galego.
(Redirixido desde "Código Lyoko: Evolución")
Saltar ata a navegación Saltar á busca

Code Lyoko: Evolution (en galego, Código Lyoko: Evolución) é a quinta tempada da serie de televisión francesa Código Lyoko creada por MoonScoop. Estreouse o 19 de decembro do 2012 en Francia.[1] A tempada ten 26 episodios. Antes da súa estrea lanzouse un videoxogo social en Facebook.

Novidades[editar | editar a fonte]

Os personaxes son interpretados por actores reais, así como os lugares na Terra, pero en Lyoko seguen en animación CGI 3D. MoonScoop iniciou unha pequena proba para mozos e mozas franceses de idades comprendidas entre os 14 e os 18 anos, para decidir quen interprete no mundo real os personaxes da serie.[1] A proba terminou o 1 de abril do 2012 e os adolescentes que interpreten aos personaxes da serie xa foron seleccionados, e xa se coñeceron. A rodaxe empezou o 2 de xullo do 2012 e a partir dese momento gravaron oito semanas seguidas terminando o 30 de agosto, pero a animación 3D acabou en novembro do 2012, e estreouse en Francia o 19 de decembro do 2012. En España estrearase pola canle Boing, pero non se sabe a data da estrea.

Xa hai algunha imaxe circulando por Internet dos novos escenarios e os novos traxes, mesmo na revista Clan. XANA volve á serie, mais hai uns novos antagonistas: os Ninjas, que foron confirmados hai un tempo, controlados polo profesor Tyron, un novo antagonista engadido en Código Lyoko: Evolution que estaba previsto que se engadise na 4ª tempada co nome de Alan Meyer pero non había espazo para el.

Hai un novo territorio chamado Cortex, unha nova Replika de Código Lyoko: Evolución creada polo profesor Tyron, o novo antagonista. Esta Replika está conectada directamente co supercomputador. O chan deste territorio está composto de elementos que se conectan aos módulos entre si para formar o panorama mundial. Este chan cambia, co que os Guerreiros de Lyoko precisan un novo vehículo: o Megapod. Está composto de moitos eixos e tubos que rodean a unha pequena Replika planetaria, onde se atopa o núcleo de Cortex. Neste sector Aelita atopa indicios da súa nai, Anthea Hopper, onde a volve atopar despois de moito tempo, pero non se chegan a ver en persoa.

Outra das grandes novidades é que hai unha sétima protagonista interpretada por Pauline Serieys, e chámase Laura Gauthier.[2]

Actores[editar | editar a fonte]

Estes son os actores que interpretarán aos personaxes en Código Lyoko: Evolution.

Personaxe Actor/actriz
Jeremie Belpois Marin Lafitte
Aelita Schaeffer Léonie Berthonnaud
Ulrich Stern Quentin Merabet
Yumi Ishiyama Mélanie Tran
Odd Della Robbia Gulliver Bevernaege
William Dunbar Diego Mestanza
Laura Gauthier Pauline Serieys
Jim Morais Bastien Thelliez
Jean-Pierre Delmas Eric Soubelet
Suzanne Hertz Sophie Fougère
Elisabeth "Sissi" Delmas Clemency Haynes
Franz Hopper / Waldo Franz Schaeffer Hugues Massignat
Anthea Hopper Sandrine Rigaux
Profesor Tyron Franck Beckmann
Samantha Suárez Louise Vallat

Notas[editar | editar a fonte]

  1. 1,0 1,1 Páxina web oficial de Código Lyoko (en inglés)
  2. "Accueil • Code Lyoko - CodeLyoko.Fr". codelyoko.fr (en francés). Consultado o 2018-04-11. 

Véxase tamén[editar | editar a fonte]

Outros artigos[editar | editar a fonte]