Burrock'n roll é unha maqueta de Platero y Tú publicada en 1990 en formato casete. Foi reeditada o 24 de febreiro de 1992 en vinilo e en CD pola discográfica DRO,[1] con todos os cortes remasterizados. Os temas «Esa chica tan cara» e «Desertor» foron descartados para a reedición. Aparecerían meses máis tarde nunha nova versión de estudio do álbum Muy deficiente. O tema «Si tú te vas» é unha versión libre de Rockin' all Over the World, escrito por John Fogerty, líder de Creedence Clearwater Revival e popularizado tamén por Status Quo.