Blue Sunshine
| Blue Sunshine | |
|---|---|
| Álbum de The Glove | |
| Publicado | 23 de agosto de 1983 |
| Gravación | 1983 |
| Xénero(s) | post-punk, neo-psicodelia, new wave, dark wave |
| Selo(s) | Wonderland Records, Polydor, Rhino Records |
| Producido por | Merlin Griffiths, Robert Smith, Steven Severin |
Blue Sunshine é o único álbum de estudio do supergrupo británico de post-punk The Glove, publicado o 23 de agosto de 1983 a través dos selos Wonderland Records e Polydor. Este disco serviu principalmente como unha distracción para Robert Smith e Steven Severin cando os dous estaban baixo un forte estrés nas súas respectivas bandas, The Cure e Siouxsie and the Banshees. Como a Smith a súa discográfica non lle permitía cantar noutra banda, el e Severin recrutaron á bailarina de Zoo Jeanette Landray (unha antiga moza do batería dos Banshees Budgie)[1] para cantar na meirande parte das cancións do lanzamento orixinal; Smith só cantou en "Mr. Alphabet Says" e "Perfect Murder". Outros músicos involucrados no proxecto foron Andy Anderson (que posteriormente se uniu a The Cure), Martin McCarrick (que despois tocou cos Banshees), Ginny Hewes e Anne Stephenson.[2]
Severin escribiu as letras de todos os temas agás "Like an Animal", "Sex-Eye-Make-Up", "Perfect Murder", escritas por Smith, e "Punish Me with Kisses", na cal colaboraron os dous.[3]
Publicáronse dous sinxelos do álbum, "Like an Animal" e "Punish Me with Kisses".
En 2006 o álbum foi remasterizado dixitalmente e reeditado por Rhino Records, contando cun disco extra con Smith cantando en demos de estudio de todas os temas en vez de Landray.
En 2013 o disco foi reeditado polo Record Store Day por Polydor (en Europa) e Rhino (nos Estados Unidos) como unha edición de 3 500 copias numeradas en vinilo azul veteado.
Listaxe de cancións[editar | editar a fonte]
Toda a música composta por Steven Severin e Robert Smith.
| N.º | Título | Letras | Duración |
|---|---|---|---|
| 1. | "Like an Animal" | Smith | 4:44 |
| 2. | "Looking Glass Girl" | Severin | 4:56 |
| 3. | "Sex-Eye-Make-Up" | Smith | 4:24 |
| 4. | "Mr. Alphabet Says" | Severin | 3:50 |
| 5. | "A Blues in Drag" | 3:12 | |
| 6. | "Punish Me with Kisses" | Severin, Smith | 3:40 |
| 7. | "This Green City" | Severin | 4:34 |
| 8. | "Orgy" | Severin | 3:19 |
| 9. | "Perfect Murder" | Smith | 4:28 |
| 10. | "Relax" | 6:03 |
| Cancións extra de 1990 | |||||||||
|---|---|---|---|---|---|---|---|---|---|
| N.º | Título | Letras | Duración | ||||||
| 11. | "Mouth to Mouth" | Smith | 5:35 | ||||||
| 12. | "The Tightrope" | 3:12 | |||||||
| 13. | "Like an Animal" (12" Club What Club? mix) | Smith | 6:35 | ||||||
Notas[editar | editar a fonte]
- ↑ "The Glove’s Jeanette Landray | Interview plus Artwork". www.post-punk.com. Consultado o 2020-01-18.
- ↑ "The Glove (thegl0ve) on Myspace". Myspace. Consultado o 2020-01-18.
- ↑ "Punish Me With Kisses". stevenseverin.com. 2002-08-14. Archived from the original on 14 de agosto de 2002. Consultado o 2020-01-18.
