Blas Espín foi un grupo literario contituído na Ponte do Porto, Camariñas, en 1992 no seo da Asociación Xuvenil da Ponte do Porto. Toman o nome dun prateiro barroco orixinario da vila e entre as súas actividades destacan a celebración de recitais poéticos, a posta en marcha dunha editora homónima, a publicación dunha revista literaria de periodicidade semestral e a convocatoria de dous premios literarios, Blas Espín e Vir Fluvius. Constituída por 15 escritores, entre os seus membros destacan: Rafael Lema, Xosé Manuel Lema Mouzo, Arturo Regueiro, Xandra Tedín, Abel Méndes Bujeiro e Xaime Trillo.
