Bilbainada

Na Galipedia, a Wikipedia en galego.
Saltar ata a navegación Saltar á procura

A Bilbainada é un xénero musical típico de Biscaia no cal, como o seu nome nos indica, fala principalmente sobre Bilbao e os seus pobos próximos. Desde 1988 Radio Nervión leva realizando un concurso centrado neste xénero musical no que se presentan un número de Bilbainadas e prémiase (segundo valoración dun xurado) á mellor canción do certame, e ao gañador outórgaselle unha figura de Diego López de Haro (fundador de Bilbao) e un cheque cunha cantidade de diñeiro.

Historia[editar | editar a fonte]

Para fixar a orixe destas cancións chamadas Bilbanadas, habería que remontarse a cando Don Diego fundou a Vila de Bilbao. Pódese dicir que existe certa semellanza entre estas cancións e aquelas notas e letras das chamadas cancións de cego, mostras populares entre as que se aireaban noticias e sucesos en prazas dos pobos. Ademais, en pleno século XX a influendcia dos ritmos da habanera conformarán a bilbainada. As cancións populares recollen así o mellor das tradicións folclóricas e a idiosincrasia dunha terra en cuxa permanencia e enriquecemento participan todos os biscaíños.

Biscaia cambiou a todo aquilo que foi como propio, e fíxoo achegando o seu particular xeito de vivir e de entender a vida. Sendo unha deses xeitos as bilbainadas. Na bilbainada conflúen a vivencia do grupo, a observación curiosa e costumista da realidade, a nostalxia e a ironía con nomes propios e todo iso cun ritmo de celebración polo instante ao que resulta moi difícil resistirse.

Entre 1920 e 1930 fráguanse os primeiros grupos de bilbainadas para un público maioritario e nome artístico. Á súa difusión contribúen tanto o gramófono, como a radio, abrindo unha nova etapa na historia das bilbainadas. Son grupos moi viculados coa Vila os que inflúen na propagaciñon desta terminología botxera. O Botxo, palabra que se utiliza para referirse a Bilbao, dá nome ás cancións botxeras e ao grupo os Botxeros. Os Chimbos, apelativo de certos bilbaínos, presta o seu nome ás cancións chimberanas e a grupos como os Chimberos e os Chimbos... Trátase dunha terminología local que pasa a converterse en universal.

Radio Nervión[editar | editar a fonte]

O Concurso de Bilbainadas, creado por Radio Nervión no ano 1988, forma xa parte da historia do único e exclusivo xénero que é a bilbainada. Case 200 cancións que desde esa data foron plasmando os aconteceres da vila e a súa contorna. Temas que xa son parte da historia, e que unidas ás máis antigas, forman unha auténtica enciclopedia do botxo. O impulso de Radio Nervión ás Bilbainadas, a través do concurso, e sobre todo, coa súa promoción constante das cancións a través da emisora, consolidou a súa recuperación e garante o seu futuro.