Biblioteca Municipal A. Castelao de Betanzos
Coordenadas: 43°16′43″N 8°12′36″O / 43.2786, -8.21
| Biblioteca Municipal A. Castelao | |
|---|---|
 Biblioteca Municipal A. Castelao de Betanzos | |
| País | Galiza |
| Cidade | Betanzos |
| Tipo | Histórico, cultural |
| Administrador | Concello de Betanzos |
| Director | Ángel Arcay Barral |
| Construción | ss. XVI e XVIII |
| Inauguración | 7 de marzo de 1946 |
| Superficie | 2000 |
| Na rede | |
| http://www.opacmeiga.rbgalicia.org/Biblioteca.aspx?CodigoBiblioteca=CBM009 | |
| [ editar datos en Wikidata ] | |
A Biblioteca Municipal A. Castelao é a Biblioteca Municipal da cidade de Betanzos. A biblioteca atópase no antigo mosteiro de San Domingos de Betanzos (século XVII-XVIII). Nese mesmo edificio atópanse o Arquivo Municipal de Betanzos e o Museo das Mariñas.
Na biblioteca, xunto co arquivo e o museo, edítase a publicación cultural Anuario Brigantino.
Historia[editar | editar a fonte]
A Biblioteca Municipal A. Castelao tivo a súa primeira sede no Colexio de Orfas de Betanzos, inaugurándose o 7 de marzo de 1946 cun fondo de 1500 volumes. Dirixida nese momento por Francisco Carlos Seijo, contaba con exposicións de arte, organizaba conferencias e celebraba a Fiesta Nacional del Libro Español o 21 de abril.[1]. Tras pasar por diferentes etapas, recobrou o seu esplendor na década de 1970, coa participación de varios profesores e alumnos do Instituto Francisco Aguiar, que se farían cargo da súa xestión. Purificación Calviño foi a encargada da xestión entre 1974 e 1980. O 25 de marzo de 1980 o pleno municipal acorda honrar a memoria de Castelao outorgándolle o seu nome á biblioteca municipal.
En xaneiro de 1981 pasou a estar dirixida por Alfredo Erias, contando no momento da súa incorporación con 871 persoas socias e 4972 volumes.[2] En 1983 trasladouse ao antigo convento de San Domingos, coincidindo coa inauguración do Museo das Mariñas.
Dende o 1 de xullo do 2022 está dirixida por Ángel Arcay Barral. Contando con algo máis de 1000 persoas socias e con máis de 23 000 volumes, despois de facer un expurgo da colección e a migración ao sistema de xestión da Rede de Bibliotecas de Galicia. Entre as actividades realizadas destacan as actividades de difusión lectora e os clubs de lectura, entre eles un sobre a historia da cidade organizado para maiores de 65 anos[3] e que foi recoñecido co Premio de Innovación Bibliotecaria de Galicia na edición do 2023[4].
Notas[editar | editar a fonte]
- ↑ SEIJO, Francisco Carlos (1948). "Biblioteca Pública Municipal". Anuario Brigantino (1): 63.
- ↑ ERIAS MARTÍNEZ, Alfredo (1981). "La Biblioteca Pública Municipal Castelao". Anuario Brigantino (4): 87–90.
- ↑ Galicia, Xunta de (2023-10-30). "As bibliotecas de Betanzos e Cenlle reciben o Premio á Innovación Bibliotecaria de Galicia 2023". Xunta de Galicia. Consultado o 2024-01-25.
- ↑ "La biblioteca de Betanzos recibe el premio a la innovación del 2023". La Voz de Galicia (en castelán). 2023-10-31. Consultado o 2024-01-25.