Batalla de Anceo
Batalla de Anceo | |||||||||
---|---|---|---|---|---|---|---|---|---|
| |||||||||
Combatentes | |||||||||
Reino de Galicia | Emirato de Córdoba | ||||||||
Comandantes | |||||||||
Afonso II | Malik al Qaisí |
A batalla de Anceo foi un enfrontamento no ano 825 entre as forzas cristiás do rei Afonso II fronte as tropas musulmás dirixidas por Abderramán II. O suceso tivo lugar na beira do río Oitavén, antigamente denominado Anceo, Arceo ou Arceu, pertencente hoxe ao concello de Ponte Caldelas.
A batalla[editar | editar a fonte]
A batalla forma parte dunha serie de batallas (batalla de Pedrafita e batalla de Naharon) relacionadas coa razzia enviada por Abderramán II a Galicia comandada por Al-Abdas e Malik al Qaisí co obxectivo de frear o avance cara ao sur de Afonso II. Esta terceira ofensiva, lanzada por Abderramán II tivo expedicións nos anos 823, 825 e 826.[1][2]
Os invasores, xa en retirada, agocháronse na serra do Suído. Pola noite, os cristiáns comezaron unha serie de ataques de desgaste, enviaron bois cos cornos en chamas para sementar o pánico e a fatiga no campamento de Malik. Ao amencer as tropas cristiás atacaron destruíndo toda defensa musulmá, moi poucos lograron escapar.[1]
Consecuencias[editar | editar a fonte]
A pesar de que Afonso II consegueu a vitoria nas batallas, Abderramán II tamén conseguiu o seu obxectivo mantendo a Afonso II no norte. Despois desta batalla os musulmáns non volveron atacar ata pasados máis de trece anos.[1]
Notas[editar | editar a fonte]
- ↑ 1,0 1,1 1,2 "Alfonso II el Casto y la tumba del Apóstol. Años oscuros en Caldas de Reis". pontevedraviva.com. Consultado o 2023.
- ↑ "Ibn Hayyàn, Crónica de los emires Alhakam I y Abdarrahmàn II entre los años 796 y 847". al-qantara.revistas.csic.es. Consultado o 2023.