Na terceira semana de setembro, o X Exército francés avanzou cara a Albert e outras posicións ao leste de Amiens. O xeneral Joffre ordenou un ataque frontal contra as liñas xermanas, que resistiron a ofensiva. Nos días seguintes, o VI Exército alemán avanzou cara Bapaume e Thiepval o 26 e 27 de setembro e contraatacou. O obxectivo era o de capturar rexións francesas importantes a nivel agrícola e industrial, illar Bélxica e cortar as liñas de subministración británicas. Esta, e batallas sucesivas resultaron en empates que desgastaron ambos exércitos sen ganancias territoriais salientables.
