Barfly

Na Galipedia, a Wikipedia en galego.
Saltar ata a navegación Saltar á procura

Barfly
Ficha técnica
Título orixinalBarfly
DirectorBarbet Schroeder
ProdutorJack Baran
Yoram Globus
Menahem Golan
Tom Luddy
Fred Roos
Barbet Schroeder
GuiónCharles Bukowski
IntérpretesMickey Rourke
Faye Dunaway
Alice Krige
Jack Nance
J.C. Quinn
MúsicaJack Baran
FotografíaRobby Müller
Estrea1987
Duración97 min.
OrixeEstados Unidos
XéneroDrama
Comedia

Barfly é un filme de 1987, un dos dous filmes escritos polo escritor e poeta estadounidense Charles Bukowski. Esta película, ao igual que a moi posterior Factótum, é un retrato semi-autobiográfico da vida do autor, e as súas eternas borracheiras e pelexas en sórdidos antros e escenarios. Bukowski narra tamén a súa experiencia durante a rodaxe desta película na súa novela de 1989 Hollywood, unha visión dramatizada e sarcástica do mundo do celuloide.

Os actores principais foron Mickey Rourke e Faye Dunaway e foi dirixido por Barbet Schroeder, incluíndo un silencioso cameo do propio Bukowski.

Argumento[editar | editar a fonte]

Henry Chinaski é un poeta que vive nos barrios baixos da súa cidade. A súa existencia, marcada por unha tendencia ao alcoholismo, xira arredor de borracheiras en bares e pelexas nocturnas nas rúas, buscando traballiños para subsistir durante o día. Só nos seus escritos Henry verte un anaco da súa personalidade que non coñece ninguén, o máis profundo e sensible.

Unha noite coñece a Wanda Wilcox, unha muller alcohólica e habitual de bares como Henry, e comezan unha relación. Ambos os dous viven cos cartos xustos, intentan mudar e manterse sobrios. Ao pouco as cousas complícanse por mor das personalidades de cada un e a aparición dunha editora de clase alta, que recibe algúns poemas de Henry e desexa publicar a súa obra a grande escala.

Elenco[editar | editar a fonte]

Curiosidades[editar | editar a fonte]

  • "Barfly" é o sobrenome ou alter-ego de Charles Bukowski.
  • Hai unha escena na que a cámara segue a forma das pernas de Faye Dunaway, segundo críticos moi inapropiadas e en contraste co tema da película.[1]
  • Dogs D'amour, grupo inglés fortemente inspirado pola filosofía e personalidade de Bukowski, escribiu o tema "Mr. Barfly", para o seu álbum More Unchartered Heights of Disgrace, parcialmente inspirados polo filme.
  • A película inspirou un álbum titulado Barfly, do grupo ska-punk Buck-O-Nine.
  • Charles Bukowski dramatizou a súa experiencia durante a rodaxe na novela de 1987 titulada Hollywood.
  • O grupo de punk rock NOFX escribiu un tema sobre Bukowski titulado "Green Corn" (millo verde) en referencia a esta película.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]