Banda de Música Municipal de Celanova
A Banda de Música Municipal de Celanova é unha banda de música do concello de Celanova, unha das bandas máis antigas de Galicia.[1][2][3]
Historia[editar | editar a fonte]
Existen documentos que falan da existencia da Banda dende 1850. Manuel Chamuchín, un músico residente en Celanova, é en quen recae o traballo de coordinación dos primeiros pasos da corporación municipal, ó ser contratado como "mestre de música". Tras del virían numerosos directores que tras varias etapas darían lugar o que é hoxe a Banda de Música Municipal de Celanova.
En 1920 xurdiu a Sociedade de Amigos da Banda de Música, que aínda hoxe segue vixente baixo a presidencia de Fernando Martínez Menchón. Esta encárgase de apoiar e xestionar a Banda de Música e a Escola de Música.
Ó longo da súa historia, a banda participou en numerosas actuacións no territorio galego, así como no resto de España, Portugal e Venezuela.
Directores da banda[editar | editar a fonte]
| Directores | Ano |
|---|---|
| Manuel Chamuchín | 1850 - 1853 |
| Genaro Durán | 1853 -1855 |
| Higinio Gíl | 1857 – 1861 |
| Manuel Sánchez | 1863 – 1870 |
| Manuel Asensio | 1870 – 1871 |
| Sen actividade municipal coñecida | 1872 – 1894 |
| José Sánchez ? | 1894 – 1908 |
| José Sánchez | 1908 – 1920 |
| Eduardo Pierrá | 1920 – 1928 |
| José Pena | 1928 – 1929 |
| Anastasio Hernández | 1929 – 1934 |
| Luis Berney | 1934 -1940? |
| Baristain | 1940 -1944? |
| Faustino Pulpeiro | 1944 – 1952 |
| José Fariñas | 1952 -1956? |
| Jesús Vázquez | 1956 -1962? |
| Antonio Domínguez | 1962 – 1966 |
| Eulogio López Masid | 1966 – 1968 |
| José Zaldo García | 1968 – 1973 |
| Antonio Cuevas | 1973 – 1976 |
| Miguel de Santiago | 1976 – 1978 |
| Javier Gargallo | 1978 – 1979 |
| Miguel de Santiago | 1979 – 1980 |
| Alfonso Salvatierra | 1980 – 1985 |
| Alejandro del Río | 1985 – 1988 |
| Arsenio Alonso Araujo | 1988 – 1994 |
| José Zaldo García | 1994 – 2014 |
| Miguel Pérez Lorenzo | 2014 – Actualidade |
Premios[editar | editar a fonte]
A Banda Municipal de Celanova foi galardoada con numerosos premios destacando os acadados en certames musicais tan prestixiosos coma os que se celebraban en Ribadavia, Lugo, Ourense e Oviedo, onde acadou premios respectivamente nos anos 1934, 1968, 1971 e 1976. Recentemente acadou o terceiro posto no I Certame Internacional de Bandas Ciudad de Benavente celebrado en Benavente, León no 2018.
Notas[editar | editar a fonte]
- ↑ Piñeiro Feijoo, Antonio. Banda de música municipal de Celanova, século e medio de historia.
- ↑ "Banda de Música Municipal de Celanova". Arquivado dende o orixinal o 18 de agosto de 2013. Consultado o 02 de xuño de 2013.
- ↑ "Federación Galega de Bandas de Música Populares". Arquivado dende o orixinal o 04 de xullo de 2013. Consultado o 02 de xuño de 2013.
Véxase tamén[editar | editar a fonte]
Bibliografía[editar | editar a fonte]
- Piñeiro Feijoo, Antonio (1993). Banda de música municipal de Celanova, século e medio de historia. ISBN 978-84-604-8105-8.