Atentados do 11 de marzo de 2004 en Madrid

Na Galipedia, a Wikipedia en galego.
Atentados do 11 de marzo de 2004 en Madrid
Atentado 11M.jpg
Restos dun dos trenes, xunto á estación de Atocha.
Lugar Madrid, España
Coordenadas 40°24′24″N 3°41′21″O / 40.406683333333, -3.6892916666667Coordenadas: 40°24′24″N 3°41′21″O / 40.406683333333, -3.6892916666667
Branco(s) Civís
Data 11 de marzo de 2004
07:36-07:40 horas (UTC+1:00)
Tipo de ataque Xihadista[1]
Arma(s) Mochilas bomba con dinamita tipo Goma-2 ECO
Mortos 191
Feridos 2057
Perpetrador(es) Célula terrorista de tipo xihadista[1]
Homenaxe ás vítimas do 11-M na Estación de Atocha, Madrid.

Os Atentados do 11-M ou Atentados do 11M foron uns ataques terroristas do 11 de marzo do 2004, en Madrid, España. Os ataques custaron a vida a 191 ou 192 persoas (as cifras oficiais falaban de 202, pero un reconto posterior diminuíu o número) e provocou máis de 2.000 feridos en catro atentados en trens de proximidade.

Feitos[editar | editar a fonte]

Os ataques consistiron nunha serie de explosións que se produciron na mañá do día 11 de marzo, entre as 7:39 e as 7:42, tres días antes da celebración das eleccións lexislativas. En total 10 mochilas-bomba estouraron en catro trens de proximidade nas estacións de Atocha, El Pozo del Tío Raimundo, Santa Eugenia e nun tren que ía entrar na estación de Atocha. A policía atopou outras tres bombas que non chegaron a estoupar e que segundo o ministro do interior, Ángel Acebes, estaban pensadas para estoupar á chegada do auxilio.

As fontes oficiais identificaron, nun primeiro momento, a ETA como a organización autora da masacre, o que negaron as forzas próximas á organización terrorista e a propia ETA nun comunicado ao día seguinte, e xa de inmediato xurdiu a hipótese dunha organización terrorista islamista radical que se reforzou ao anunciar o ministro do interior o descubrimento dunha furgoneta con detonadores unha vídeo-casete con textos do Quoram, aínda así mantívose oficialmente a tese dun atentado de ETA, o que lle supuxo ao goberno fortes críticas nalgúns medios de comunicación e polas forzas políticas da oposición.

O 13 de marzo a policía detivo a sete sospeitosos relacionados coa venda dun teléfono móbil e unha tarxeta de prepago que se atopara na furgoneta no que se atoparan os detonadores e nos días seguintes arrestáronse a novos sospeitosos, moitos ligados a grupos islamistas radicais. O 3 de abril cando a policía pretendía arrestar a varios sospeitosos nun piso de Leganés, estes fixeron estoupar explosivos, matándose eles e un policía dos Grupos de Operacións Especiais (GEO).

O xuíz encargado do caso, Juan del Olmo, acusou o 19 de marzo a varios marroquís de complicidade nos atentados e as investigacións da policía dirixíronse cara as organizacións terroristas islámicas, en especial cara células vinculadas a Al-Qaida, organización que reivindicou os atentados na noite do día 11.

Galería de imaxes[editar | editar a fonte]

Notas[editar | editar a fonte]

  1. 1,0 1,1 Audiencia Nacional. Sala de lo Penal. Sección segunda (31 de outubro de 2007). "Sentencia 65/2007" (PDF). Administración de Justicia. Los ocho ocupantes del piso junto con los procesados Rabei Osman Al Sayed Ahmed, Hassan el Haski, Youseff Belhajd, Abdelmajid Bouchar, Jamal Zougam, Basel Ghalyoun, Otman el Gnaoui, Gnaout o Kanoui, Mohamed Larbi Ben Sellam, Rachif Aglif, Mohannad Almallah Dabas, Fouad el Morabit Anghar, Mohamed Bouharrat, Saed el Harrak y Hamed Ahmidan, son miembros de células o grupos terroristas de tipo yihadista que, por lo que ahora interesa, mediante el uso de la violencia en todas sus manifestaciones, pretenden derrocar los regímenes democráticos y eliminar la cultura de tradición cristiano-occidental sustituyéndolos por un Estado islámico bajo el imperio de la sharia o ley islámica en su interpretación más radical, extrema y minoritaria 

Véxase tamén[editar | editar a fonte]

Commons
Wikimedia Commons ten máis contidos multimedia na categoría: Atentados do 11 de marzo de 2004 en Madrid