Arroz bomba

Na Galipedia, a Wikipedia en galego.
Saltar ata a navegación Saltar á procura
Arroz bomba de Calasparra no que se pode apreciar o carácter case esférico dos seus grans.

Arroz bomba é unha variedade de arroz (Oryza sativa L.) de gran redondo.[1] Este arroz é moi habitual nalgunhas zonas das cociñas da costa do levante español. É un arroz moi habitual nos arroces desta área de España, así como na elaboración das paellas.[2] É considerado un arroz de gran curto debido a que contén menos amilopectina e é coñecido como o arroz de Valencia, por ser desta zona tradicional.

Características[editar | editar a fonte]

Trátase dun arroz orixinario da India.[1] Este tipo de arroces cultívase desde a Idade Media na península ibérica e caracterízase por ser menos facilmente adherible ao fondo dos recipientes de cocción (isto débese ao contido dun terzo de amilosa). É da variedade de gran curto, posúe unha cor perlada e un aspecto consistente. Unha característica deste arroz é que o gran posúe unha maior resistencia a "abrirse" durante a cocción, debido en parte a que adoita expandirse durante a mesma (nalgunhas ocasións menciónase que como un acordeón[3]). Tal expansión, pode chegar a alcanzar até dúas, ou tres veces o volume inicial do gran. Este tipo de arroz require un maior contido de auga que outros de gran longo. Deste xeito, os grans acostuman ter a mesma estrutura tras a cocción. É un dos máis caros entre os arroces españois.[4] Un dos máis preciados é o procedente de Calasparra (con Denominación de Orixe) e de Moratalla. Tamén teñen grande tradición os arroces bomba de Silla (Valencia) e o de Pego (Alacant).

Notas[editar | editar a fonte]

  1. 1,0 1,1 Josep Maria Franquet i Bernis, (2004), Variedades y mejora del arroz: oryza sativa, L., Universitat Internacional de cataluña, páx. 113
  2. Teresa Barrenechea, (2005), The cuisines of Spain: exploring regional home cooking, Ten Speed Press, pag. 50
  3. Jesus Camarero Tabera, (2008), Manual Didactico de Cocina - Tomo I, Innovación Y Cualificación, pag. 282
  4. Francisco López Barreras, (2007), Preelaboración y conservación de alimentos, LibrosEnRed, pag. 76

Véxase tamén[editar | editar a fonte]