Arquivos (música)

Imaxe dunha partitura.

Por arquivos enténdese, na música, o conxunto de partituras e documentos arquivados e conservados relacionados con esta, por exemplo cronoloxías, gravacións, biografías e todo aquel documento relacionado coa evolución desta arte no tempo.

Música histórica

Grazas aos arquivos, é posible coñecer as obras que os compositores legaron, así como os seus estilos e formas de crear as melodías. Xeralmente, os arquivos atópanse almacenados en conventos, catedrais e bibliotecas, pero fóronse perdendo co tempo debido aos máis diversos factores, entre eles incendios, guerras ou descoidos, por citar exemplos.

Toda a música antiga, pertencente á Idade Media, o clasicismo, o barroco ou o romanticismo, en fin, toda a música histórica atópase escrita en partituras, por tanto, as referencias históricas que se posúen destes períodos atópanse alí. Como era habitual nas capelas, o mestre de cerimonias de alí non necesitaba partituras, senón que se limitaba a outorgarlle a cada instrumentista unha folla soa, onde se detallaba a melodía a interpretar. Por iso actualmente non se distingue moi ben que follas pertencen a cada melodía ou que instrumentos na súa totalidade se usaban para interpretalas.

Actualmente, en Europa está a levarse a cabo un procedemento cuxo obxectivo é restauralas. En América está a se tentar o mesmo, aínda que se di que a situación é peor, xa que os manuscritos atópanse en peores condicións de conservación.

Música moderna

Fotografía dun reprodutor de mp3.

Na música moderna, o termo «arquivo» ten outras acepcións. Xeralmente, este termo aplicado neste contextro, refírese a unha gravación comprimida en determinado formato (mp3, wav, midi, etcétera), que pode ser reproducida con programas de Windows como o Reprodutor de Windows Media, ou con reprodutores particulares de mp3 ou mp4.

A continuación, detállanse os tipos de formatos ou arquivos de son máis comúns:

• Mp3: un arquivo de son mp3 é un arquivo de música comprimido mediante MPEG que se pode atopar en Internet. Xeralmente, este tipo de arquivo de son é o máis utilizado pola súa comodidade, aínda que carrexa certas desvantaxes para o usuario ocasional, por exemplo, que un minuto de son calidade CD en formato mp3 ocupa un mega, o cal é bastante molesto xa que ocupa unha gran cantidade de memoria na computadora. Arquivos deste tipo descárganse con Ares ou E-Mule, dous programas para baixar música ou diversos arquivos gratuitamente.
• Midi ou Mid (Interface dixital para instrumentos musicais, Musical Instrument Digital Interface): é un formato de música instrumental. é considerado o estándar para a industria da música electrónica, e é moi útil para traballar con dispositivos como sintetizadores musicais ou tarxetas de son.
• Wav (Extensión de forma de onda, Waveform Extension): é o formato para almacenar son en arquivos desenvolvido en común por Microsoft e IBM. O soporte para esta clase de arquivos foi construído en Windows 95, o que o fixo estándar para arquivos de son en PCs. Os arquivos WAV terminan coa extensión .wav e pódense reproducir con case todas as aplicacións Windows que soportan son.
• Ra, ram ou Real Audio: é un formato de arquivo pensado para as transmisións por Internet en tempo real, por exemplo as radios que emiten en liña ou cando un servidor ten un arquivo de son almacenado e pode escoitarse sen que o arquivo se cargue por completo nin se almacene na computadora. Isto é posible grazas ao proceso de buffering que basicamente recibe un paquete de son no reprodutor, neste caso Real Player, mentres o seguinte almacénase no cartafol de ficheiros temporais ata que sexa requirido polo reprodutor. Con este sistema os arquivos non poden ser copiados.