Arquitectura software

Na Galipedia, a Wikipedia en galego.
Proceso de desenvolvemento software
Actividades e pasos
Requisitos | Arquitectura | Implementación | Probas | Implantación| Mantemento
Modelos
Áxil | Cleanroom | Iterativo | RAD | RUP | Espiral | Fervenza
Disciplinas de apoio
Xestión de configuración | Documentación | Calidade (SQA) | Xestión do proxecto

A arquitectura software dun Programa informático ou sistema é a estrutura ou estruturas de tal sistema, que abranguen os elementos software, as características externamente visibles deses elementos, e mailas relacións entre eles. A arquitectura software reférese ás decisións significativas sobre a organización dun sistema software, en canto a:

  • a selección dos elementos estruturais (módulos) apropiados e dos interfaces dos que se compón tal sistema
  • a selección do seu comportamento dacordo ao especificado nas colaboracions entre eses elementos,
  • a composición de tales elementos estruturais e da distribución en subsistemas progresivamente máis grandes,
  • o estilo arquitectónico que dirixe tal organización.

A arquitectura software é a base da práctica da construción do software. Do mesmo xeito que un arquitecto de edificio fixa os principios e mailas metas dun proxecto de edificio, así tamén un arquitecto software precisa da arquitectura software como base para as especificacions reais do deseño do sistema, de acordo aos requisitos do cliente.

Un arquitecto software emprega o coñecemento extenso da teoría do software e da experiencia apropiada para conducir e manexar o deseño de alto nivel dun produto software. O arquitecto software desenvolve conceptos e plans en canto á modularidade do software, os métodos da interacción do módulo, estilo do diálogo da interface utilizada, os métodos da interface cos sistemas externos, as características innovadoras do diseño , e as operacions do obxecto do negocio, lóxica, e fluxo de datos de alto nivel.