Antonio Santiago Álvarez
  | |
| Biografía | |
|---|---|
| Nacemento | 8 de decembro de 1894 A Coruña, España |
| Morte | 5 de xullo de 1979 (84 anos) |
| Datos persoais | |
| País de nacionalidade | España |
| Actividade | |
| Ocupación | escritor |
| Lingua | Lingua castelá |
Antonio Santiago Álvarez, alcumado Nito, nado na Coruña o 8 de decembro de 1894 e finado na mesma cidade o 5 de xullo de 1979,[1] foi un escritor galego.
Traxectoria[editar | editar a fonte]
De rapaz iniciouse como novilleiro. Emigrou a Cuba e traballou de xornalista na Habana. Alí aprendeu o oficio de linotipista. Volveu á Coruña e traballou no xornal La Voz de Galicia.
A mediados dos anos vinte converteuse no autor máis prolífico e exitoso de apropósitos. Despois do parón da guerra civil continuou co xénero en 1949 a petición do entón alcalde coruñés Alfonso Molina ata 1966. Nesta época os guións eran previamente supervisados pola censura franquista que os acurtaba a un terzo do orixinal.
O xénero local volve recuperarse en 1984 da man do seu neto: Antón de Santiago[2].
Obras[editar | editar a fonte]
- Los líos del Estatuto o "miss" Capitalidad
- Vuelan mis ferretes
- Viaje de "mis" Patela, de Nueva York a La Grela
- Un ferrete sin censura es más bravo que un miura
Escribiu moitas comedias e varias zarzuelas.
- El indulto, La represa y el río
Homenaxes[editar | editar a fonte]
En 2002 a cidade da Coruña púxolle unha rúa co seu nome en Monte Alto[3]. O seu neto humorista, Antón De Santiago, continúa a facer escarnio durante o Entroido coa compañía Nito.[4]
Vida persoal[editar | editar a fonte]
En 1915 casou con Sara Sanjurjo López, e foi pai de Elvira, María Luisa, Antonio, Carmen, Sara, Margarita, Mercedes, Carlos e Luis Santiago Sanjurjo. Enviuvou en 1933 e en 1939 volveu casar con Celia Álvarez Díaz, e foi pai de Victoria Santiago Álvarez.
Notas[editar | editar a fonte]
- ↑ Necrolóxica en La Voz de Galicia, 6-7-1979, p. 52.
- ↑ "Las cajas y las elecciones, estrellas de los Apropósitos del carnaval de A Coruña". El Mundo (en castelán). 7 de marzo de 2011.
- ↑ "Las aceras de la carcajada". La Voz de Galicia (en castelán). 2002-03-02. Consultado o 2020-01-11.
- ↑ "Antón de Santiago: "La bronca entre Losada y Vázquez da mucho juego"". La Opinion de A Coruña (en castelán). 23 de febreiro de 2009.
Véxase tamén[editar | editar a fonte]
Bibliografía[editar | editar a fonte]
- Cuns Lousa, Xulio (1999). "A propósito do Apropósito" (PDF). Anuario Brigantino 22: 463–484. Consultado o 18 de xuño de 2014.