Antonio Pérez Prado
| Antonio Pérez Prado | |
|---|---|
| Nacemento | 19 de novembro de 1926 |
| Lugar de nacemento | Océano Atlántico |
| Falecemento | 7 de setembro de 2009 |
| Lugar de falecemento | Buenos Aires |
| Nacionalidade | Arxentina |
| Alma máter | Facultade de Medicina da Universidade de Bos Aires |
| Ocupación | escritor e médico |
| [ editar datos en Wikidata ] | |
Antonio Pérez Prado, nado o 19 de novembro de 1926 no barco da emigración e finado en Buenos Aires o 7 de setembro de 2009, foi un médico e intelectual galego.
Traxectoria[editar | editar a fonte]
Fillo de pais orixinarios de Begonte (Terra Chá), naceu no barco que os levaba a Buenos Aires. Nos anos 50 foi soldador nos Estados Unidos. Ao regreso estudou medicina na Arxentina, e logo traballou no Hospital Municipal de Buenos Aires e no sanatorio do Centro Galego.
Sen participar activamente en ningunha organización galeguista, a finais dos anos 50 entrou en contacto coa colonia galega e recuperou os lazos con Galicia da man de intelectuais como Neira Vilas e Luís Seoane. Participou activamente na creación da Asociación Argentina de Hijos de Gallegos, entidade conformada polos fillos de emigrantes galegos que compartían inquietudes nacionalistas.
Articulista na prensa arxentina e autor de varios tratados de divulgación científica, en 1973 publicou un clásico da literatura da emigración: Los Gallegos y Buenos Aires. Foi guionista do documental Castelao. Biografía de un ilustre gallego (1980), do arxentino Jorge Prelorán.
Os seus restos foron enterrados no Panteón do Centro Galego.
