Antonio López Acuña
| Biografía | |
|---|---|
| Nacemento | 3 de xuño de 1911  Lugo, España |
| Morte | decembro de 1993 (82 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | xornalista |
Antonio López Acuña, nado en Lugo o 3 de xuño de 1911 e finado na mesma cidade en decembro de 1993,[1] foi un xornalista, escritor e político galego.
Traxectoria[editar | editar a fonte]
Cursou estudos de Profesorado Mercantil na Escola de Altos Estudios Mercantís da Coruña e despois fixo a carreira de Maxisterio. Formou parte da xuventude da Unión Regional de Derechas de Lugo, en 1933 dirixiu o periódico Mundo de Ahora e colaborou en La Voz de la Verdad. Falanxista, logo do golpe de Estado do 18 de xullo de 1936, foi redactor de Azul e dirixiu a revista da Cámara de Comercio, Industria e Navegación de Lugo e Información de Economía y Legislación Mercantil y Tributaria. Foi concelleiro e tenente de alcalde de Lugo. Foi funcionario de carreira dos corpos técnico-administrativos da Deputación Provincial de Lugo e do Servizo Nacional de Produtos Agrarios e foi designado secretario técnico dos padroados provinciais de Formación Profesional e Ensinanza Media e Profesional de Lugo.
Obras[editar | editar a fonte]
- Historia de la Biblioteca Provincial, 1938.
- Guía del Productor y Molinero, 1943.
- El Libro del Productor, 1944.
- A B C del Agricultor, con un cancionero de molino, 1945.
- Comentarios a las secciones de Teología y Derecho de la Biblioteca de la Provincia.
Notas[editar | editar a fonte]
- ↑ La Voz de Galicia, 14-12-1993, p. 32.
