Antonio Carreró Vergés

Na Galipedia, a Wikipedia en galego.
Saltar ata a navegación Saltar á procura
Antonio Carreró Vergés
Antonio Carreró Vergés 1936.jpg
Retrato en Vida Gallega, 1936.
Nacemento1889
 Vigo
Falecemento27 de setembro de 1936
 Principado de Asturias
NacionalidadeEspaña
Ocupaciónmilitar
editar datos en Wikidata ]

Antonio Carreró Vergés, nado en Vigo en 1889 e finado en Asturias o 27 de setembro de 1936, foi un militar galego.

Traxectoria[editar | editar a fonte]

Fillo de Antonio Carreró Mestre. En 1915 entrou na Academia de Infantería. Como oficial de Infantería prestou servizos en África e tamén estivo destinado en Vigo. Cara a 1925 era primeiro tenente no Goberno Militar. Despois foi capitán no Rexemento de Murcia. Tras o golpe de Estado do 18 de xullo de 1936, por orde de Felipe Sánchez, declarou o estado de guerra en Vigo o 20 de xullo de 1936, leu o bando na Porta do Sol e ordenou disparar contra os que estaban presentes. Despois estivo á fronte do pelotón que fusilou a Emilio Martínez Garrido e outros republicanos vigueses. Marchou á fronte e morreu en Asturias a finais de setembro de 1936. Foi soterrado no cemiterio de Pereiró o 29 de setembro, cos soldados Eduardo Núñez Saavedra e Eugenio Rodríguez Cantero.

Polo seu acto do 20 de xullo, a Porta do Sol de Vigo foi rebautizado co seu nome, inutilmente porque a maioría da poboación local seguiu utilizando o nome orixinal.

Véxase tamén[editar | editar a fonte]

Ligazóns externas[editar | editar a fonte]