Ankur

Ankur é un filme indio de 1974, a primeira longametraxe do director Shyam Benegal e o début dos actores Shabana Azmi e Anant Nag e encádrase dentro do que se coñece na India como cinema paralelo, alternativo ao comercial indio. O argumento baséase nunha historia real que coñeceu Benegal nos seus anos mozos e para manter o realismo filmouse enteiramente na pequena aldea de Yellareddiguda, os actores exprésanse na variedade do urdú que alí se fala, o dakhini. O filme gañou tres National Film Awards e foi candidato ao Oso de Ouro no 24º Festival de Cinema de Berlín.