And the Mountains Echoed

And the Mountains Echoed
Título And the Mountains Echoed
Instancia de obra literaria
Forma artística novela
Xénero ficción histórica
Lingua lingua inglesa
Autoría
Autor/a Khaled Hosseini
Temática
Ambientado en Cabul París Tinos - Τήνος
Publicación
Editorial Riverhead Books
Formato de distribución encadernación en rústica libro de peto
Datas
Data de publicación 21 de maio de 2013
Localización
País de orixe Estados Unidos de América
Identificadores
Goodreads 21933087 Open Library OL16804912W Freebase /m/0vwx_dq
Wikidata

And the Mountains Echoed é a terceira novela do escritor afgán Khaled Hosseini. Publicada en 2013 por Riverhead Books, desvíase do estilo de Hosseini nas súas dúas primeiras obras para evitar centrarse só nunha única personaxe. Por iso, o libro está escrito como unha colección de historias curtas, e cada un dos seus capítulos está escrito dende a perspectiva dunha personaxe diferente. O piar da novela é a relación entre un neno de dez anos, Abdullah, e a súa irmá de tres anos, Pari, así como a decisión do pai de ambos de vendela a ela a unha familia sen fillos de Cabul, un evento que une as distintas narrativas.

Hosseini declarou que o seu obxectivo nesta novela era facer as personaxes máis complexas e moralmente ambiguas. Continuando co tema familiar estabelecido nas súas obras anteriores, O cazador de papaventos e Un milleiro de soles espléndidos, And the Mountains Echoed céntrase na relación dos dous irmáns. Ademais de Abdullah e Pari, Hosseini presenta outras dúas relacións entre irmáns: a da madrasta dos nenos, Parwana e a súa irmá discapacitada Masooma, e a dun médico afgán-americano chamado Idris e o seu curmán Timur.