Adventure Time (orixinalmente titulado Adventure Time with Finn & Jake) é unha serie de animación americana creada por Pendleton Ward para a canle Cartoon Network. A serie segue as aventuras de Finn (voz de Jeremy Shada), un neno humano, e o seu mellor amigo e irmán adoptivo Jake (voz de John DiMaggio), un can con poderes máxicos que pode cambiar de tamaño e forma segundo o seu desexo. Finn e Jake viven na postapocalíptica Terra de Ooo. Ó longo da historia, interactúan con outras personaxes da serie: Princess Bubblegum (voz de Hynden Walch), o Ice King (voz de Tom Kenny) e Marceline the Vampire Queen (voz de Olivia Olson).