Administracións descentralizadas de Grecia
A administración descentralizada (en grego αποκεντρωμένη διοίκηση, apokendroméni diíkisi, "diocese descentralizada") é un grao da división administrativa de Grecia establecido en 2011, ao entrar en vigor o plan Calícrates. Grecia divídese en sete administracións descentralizadas que están encargadas de aplicar as políticas gobernamentais a nivel local e están conformadas polo territorio de entre unha e tres periferias.
O presidente (γενικός γραμματέας, «secretario xeral») é elixido polo Goberno central e actúa baixo as súas ordes. Cada administración posúe ademais un consello, que representa as respectivas periferias e municipios, pero é de carácter unicamente consultivo e, polo tanto, non pode tomar decisións.
A Constitución de Grecia estipula unha serie de competencias que permanecerán baixo control do Goberno central e que eran aplicadas a nivel local polas antigas periferias. Co plan Calícrates, as periferias asumiron as competencias das antigas prefecturas e convertéronse en organismos autónomos, polo que se decidiu crear unha nova división administrativa baixo o control directo do Goberno central.
| Administración descentralizada | Sede | Periferias | Mapa | |
|---|---|---|---|---|
| Ática | Atenas | Ática | 
| |
| Macedonia-Tracia | Tesalónica | Macedonia Central, Macedonia Oriental e Tracia | ||
| Epiro-Macedonia Occidental | Ioannina | Epiro, Macedonia Occidental | ||
| Tesalia-Grecia Central | Lárisa | Tesalia, Grecia Central | ||
| Peloponeso, Grecia Occidental e Xónico | Patras | Peloponeso, Grecia Occidental, Illas Xónicas | ||
| Exeo | O Pireo | Exeo Setentrional, Exeo Meridional | ||
| Creta | Heraclión | Creta | ||
| Fonte: Creación das administracións descentralizadasArquivado 03 de xullo de 2014 en Wayback Machine. - Ministerio grego de Interior | ||||