Abel Reverter
| Biografía | |
|---|---|
| Nacemento | 1988  (35/36 anos)Ourense, España |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Ocupación | deseñador de gráficos en movemento |
| Lingua | Lingua galega |
Abel Reverter Valeiras, nado en Ourense[1] en 1988, é un deseñador visual galego.
Traxectoria[editar | editar a fonte]
De familia vinculada á enxeñería, estudou Comunicación Audiovisual[2] na Universidade Complutense de Madrid. En 2011 comezou a traballar como bolseiro nun estudo londiniense de deseño visual, o que o levou a contactar con outras empresas do sector e iniciar a súa carreira profesional como deseñador de gráficos en movemento.
Traballou para varios estudos de deseño gráfico e deseño visual no Reino Unido e nos Estados Unidos, como MPC, primeiro como freelancer e a partir de 2017 con postos xa sénior como director de arte para Monstro.TV ou Territory Projects[3]. Os seus deseños visuais apareceron no filme Blade Runner 2049, e en distintas campañas publicitarias de nivel internacional para Apple, Spotify, Microsoft, Google ou The New York Times[2].
En 2012 coñeceu a deseñadora británica Katie Menzies, coa que iniciou unha relación sentimental[2] e laboral e a canda ela fundou en 2018 o estudo Cabeza Patata en Londres.
Notas[editar | editar a fonte]
- ↑ Ascón, Miguel (2022-12-26). "Abel Reverter: «La campaña gráfica de Apple para el Año Nuevo chino se hizo en la casa de mi abuela en Ourense»". La Voz de Galicia (en castelán). Consultado o 2023-04-03.
- ↑ 2,0 2,1 2,2 Penelas, Sandra (2023-04-02). "Abel Reverter, el artista visual ourensano que trabajó para Google y Spotify". Faro de Vigo (en castelán). Consultado o 2023-04-03. (require subscrición (?)).
- ↑ "Abel Reverter (perfil)". LinkedIn. Consultado o 3/4/2023. (require rexistro (?)).