Tenma
| Tenma (Astro-B) | |
|---|---|
 Tenma / Astro-B | |
| Tipo | Observatorio espacial |
| Organización | JAXA |
| Data de lanzamento | 20 de febreiro de 1983[1][2] |
| Foguete portador | Mu (M-3S-3) |
| Sitio de lanzamento | Centro Espacial de Uchinoura[2] |
| Duración da misión | 5,8 anos[1] |
| Obxectivo da misión | Observación en raios X |
| Decaemento | 17 de febreiro de 1988[1] |
| NSSDC ID | 1983-011A |
| Masa | 216 kg[2][3] |
Tenma (en xaponés, Pegaso[4]), denominado ASTRO-B antes do lanzamento, foi un observatorio espacial xaponés de raios X pertencente á JAXA. Foi lanzado o 20 de febreiro de 1983 mediante un foguete Mu desde o Centro Espacial de Uchinoura (antes coñecido como Centro Espacial de Kagoshima) e reentrou na atmosfera o 17 de febreiro de 1988.
Características
[editar | editar a fonte]Tenma foi o segundo satélite de astronomía de raios X do Xapón e o rango de enerxías que podía observar ían de 0,1 keV a 60 keV. Os seus obxectivo foron a obtención de espectros de fontes de raios X con boa resolución, o estudo das variacións temporais das fontes de raios X, a busca por todo o ceo de explosións de raios X e a observación de fontes de raios X suaves cun telescopio reflector.[2]
Levaba a bordo catro instrumentos:[3][4]
- Contadores proporcionais de centelleo de gas
- Telescopio de transformada de Hadamard
- Monitor de raios X para todo o ceo
- Telescopio reflector de raios X
O satélite podía xirar a velocidades de 0,546, 0,137 ou 0,068 revolucións por minuto coa axuda dun volante de inercia. O eixe de xiro podía axustarse mediante torsión magnética.
Resultados
[editar | editar a fonte]Tenma descubriu a liña de emisión do ferro no disco galáctico, así como noutros corpos, como galaxias de núcleo activo. Descubriu tamén unha liña de absorción a 4 keV no espectro da explosión X1636-536.[4]
Notas
[editar | editar a fonte]- ↑ 1,0 1,1 1,2 N2YO (2011). Real Time Satellite Trackin, ed. "TENMA (ASTRO B)" (en inglés). Consultado o 13 de xullo de 2011.
- ↑ 2,0 2,1 2,2 2,3 NASA (8 de xullo de 2011). "Tenma" (en inglés). Consultado o 13 de xullo de 2011.
- ↑ 3,0 3,1 Gunter Dirk Krebs (2011). Gunter's Space Page, ed. "Astro B (Tenma)" (en inglés). Consultado o 13 de xullo de 2011.
- ↑ 4,0 4,1 4,2 NASA (2011). "The Tenma [Astro B] Satellite" (en inglés). Arquivado dende o orixinal o 13 de setembro de 2011. Consultado o 13 de xullo de 2011.
