Wikipedia:Como cargar imaxes

Se queres cargar unha imaxe na Galipedia, esta é a páxina onde atopar a axuda para facelo.

En resumo: Utiliza a ferramenta mostrada nesta ligazón.

As imaxes cargadas teñen que ser útiles para a Wikipedia ou para calquera dos proxectos da Wikimedia. Para compartir as fotos de familia, utiliza un sitio de publicación de fotografías. As imaxes e outros outros ficheiros multimedia centralízanse na Wikimedia Commons, unha mediateca común a tódolos proxectos da Wikimedia. Así, as túas imaxes serán directamente utilizábeis nas wikipedias de tódolos idiomas. Na práctica: O procedemento de carga dunha imaxe é único. Pero para que sexa correcto, é necesario coñecer certos detalles da imaxe a cargar. Para iso, preséntanse aquí debaixo as diferentes situacións posibles cunha ligazón cara á páxina de axuda máis axeitada; sitúate no caso correspondente á túa situación e verifica que a carga é adecuada á axuda das cuestións presentadas; se non é así, pasa á situación seguinte. Usuarios avanzados: Podedes cargar as imaxes e sons directamente en Commons utilizando a ligazón do formulario de cargas.

Cargar unha imaxe propia Queres que poida ser usada por todos? Se fixeches unha foto dun lugar, monumento, escena ou obxecto calquera, ou tes creado unha imaxe, debuxo ou esquema: Carga o ficheiro en Commons seguindo as indicacións paso a paso. Se fixeches unha foto dunha obra de arte recente (realizada hai menos de 100 anos) da que non es o autor (pintura, escultura, deseño...): O autor ou deseñador conserva os dereitos sobre a imaxe; non cargue esa imaxe, será suprimida por infracción dos dereitos de autoría. Podes, eventualmente, pedir a autorización do autor. Se non sabes como actuar: Pregunta aos outros usuarios con experiencia coas imaxes.