Produtividade

Na Galipedia, a Wikipedia en galego.
Mapa mundial que amosa o PIB per cápita por países en 2008 segundo os cálculos do FMI feitos en abril de 2009. O PIB per cápita ten una forte correlación coa produtividade e menor coa calidade de vida. O PIB por hora traballada considérase moi próximo á produtividade.

A produtividade é a relación entre a cantidade de produto obtida por un sistema produtivo e os recursos empregados para obter esa produción. Tamén pode definirse como a relación entre os resultados e o tempo empregado para obtelos: canto menor sexa o tempo que leve obter o resultado desexado, máis produtivo é o sistema. En realidade a produtividade debe definirse como o indicador de eficiencia que relaciona a cantidade de recursos empregados coa produción obtida.