Percival James Patterson

Na Galipedia, a Wikipedia en galego.
P. J. Patterson, 2005

Percival Noel James Patterson, nado en Hanover o 10 de abril de 1935, é un avogado e político xamaicano, Primeiro ministro do seu país entre 1992 e 2006 e líder do Partido Nacional Popular.

Traxectoria[editar | editar a fonte]

Formado en Inglaterra, Patterson entrou en política en 1969, cando foi elixido como deputado dun distrito no oeste da illa. Serviu como ministro nos gobernos de Michael Manley (1972-80, 1989-92). Está considerado como o primeiro líder nacional xamaicano de raza negra (a maioría dos seus predecesores foron mulatos, e un, Edward Seaga, de raza branca).