Gaiola de seguridade

Gaiola de seguridade dun Renault Mégane R26.R

Unha gaiola de seguridade (tamén coñecida polo nome de barras antienvorcadura ou barras antienvorco) é un marco metálico construído dentro ou arredor da cabina dun vehículo, cuxo obxectivo é protexer os pasaxeiros se houber un accidente, especialmente no caso de envorcadura. Ademais de seren un sistema de seguridade, tamén aumentan a rixidez do chasis. As gaiolas de seguridade son empregadas na meirande parte dos automóbiles de carreiras.

Os automóbiles de tipo cabriolé acostuman ter unhas pequenas barras antienvorco colocadas detrás do asento do condutor e dos acompañantes como sistema de seguranza. Ás veces estas barras teñen forma de arco. Nalgúns casos poden estar agochadas no interior do vehículo e saíren ó exterior cando un sensor detecta unha posible envorcadura. O marco do parabrisas tamén acostuma estar reforzado e serve como parte do sistema antienvorco.

Galería de imaxes

• 
  Gaiola de seguridade dun Suzuki Swift de rally.
• 
  Gaiolas de seguridade nunha exposición.
• 
  Barra antienvorco dun Esther.
• 
  Barra antienvorcadura dun Caterham fóra do vehículo.
• 
  Arcos antienvorco individuais dun Audi TT.