Voto en branco computábel
Voto en branco computábel é un termo utilizado en política para referirse á representatividade do voto en branco mediante escanos non atribuídos a ningún partido nin candidato.
En España, coa lei electoral vixente actualmente (LOREG),[1] os votos en branco son válidos e contabilizados, pero non son considerados á hora de distribuír os escanos entre as formacións políticas que superasen a porcentaxe de voto mínimo para obter representación (3% para as eleccións xerais, 5% para as municipais).
A idea é defendida polo Movemento Cidadán polo Voto en Branco Computábel,[2] que organiza campañas en favor da difusión en prol da computabilidade do voto en branco e que axuda voluntariamente os partidos políticos que o promoven.
Partidos activos cuxo fin é o voto en branco computábel[editar | editar a fonte]
- Escanos en Branco (EB)
- Ciudadanos en Blanco (Cenb)
Partidos (ou coalicións) activos cuxo programa contén o voto en branco computábel[editar | editar a fonte]
- Partido Animalista Contra o Maltrato Animal (PACMA)
- Por un Mundo máis Xusto (PUM+J)
- Pirates de Catalunya (PIRATA.CAT)
Partidos (ou coalicións) activos cuxo programa contivo o voto en branco computábel[editar | editar a fonte]
- Cidadáns-Partido da Cidadanía (C's) (non incluíu o voto en branco computábel no programa electoral das eleccións autonómicas de Andalucía de 2014[3])
Notas[editar | editar a fonte]
- ↑ Ley Orgánica 5/1985, de 19 de junio, del Régimen Electoral General. Noticias.juridicas.com.
- ↑ "Copia arquivada". Arquivado dende o orixinal o 11 de febreiro de 2012.
- ↑ "Programa electoral de Ciudadanos-Partido de la Ciudadanía para las elecciones autonómicas de Andalucía 2014" (PDF). Arquivado dende o orixinal (PDF) o 19 de marzo de 2015. Consultado o 20 de setembro de 2020.