O voo 871 engalou do aeroporto de Copenhague-Kastrup ás 09:44 UTC. O avión xa parara en Düsseldorf e Viena antes de chegar a Istanbul ás 17:20 UTC, onde embarcou unha nova tripulación para operar o resto da ruta.[1] O avión saíu do aeroporto Yesilköy de Istanbul ás 18:00 UTC cara ao aeroporto de Ankara Esenboğa. Había 35 pasaxeiros e 7 tripulantes a bordo do avión. O voo foi tranquilo ata que a tripulación comezou a aproximación ao aeroporto. Ás 18:41 UTC a tripulación informou ao control de tráfico aéreo que o avión estaba descendendo de FL135 (uns 13500 pés) a FL120 (12000 pés). Ás 18:45 UTC a tripulación informou que entraba nos 6500 pés (1 981 m) aínda no descenso. Ás 18:47 UTC o avión golpeou o chan a unha altura de 3 500 pés (1067 m), entre o LFR de Ankara e o aeroporto. O accidente matou os 42 pasaxeiros e tripulantes a bordo do aparello.[2]
Non se puido determinar con certeza a causa do accidente, pero hai sospeitas de que os tripulantes non leron correctamente os seus altímetros. O avión estaba equipado con catro altímetros, tres deles con tres agullas, pero o capitán tamén tiña un altímetro moderno con dúas agullas que se le dun xeito diferente. Isto puido provocar que o capitán voase uns 1 100 pés demasiado baixo, esnafrándose así contra o terreo.
