Vella fritindo ovos
| Vella fritindo ovos | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata C:Commons | |||||||||||
A Vella fritindo ovos é un cadro de Velázquez realizado na súa etapa sevillana. Pertenceu a sir Francis Cook[1] e os herdeiros deste vendérono en 1955 á National Gallery of Scotland, en Edimburgo, por un valor de 57.000 libras esterlinas.[2]
A data do cadro, aínda que non está claramente definida, sitúase en torno ao ano 1618, antes do traslado definitivo de Velázquez a Madrid no ano 1623. Está considerada como a primeira obra mestra de Velázquez.[3]
A técnica
[editar | editar a fonte]Este cadro, ao igual que outros realizados na primeira época de Velázquez, está influenciado polo clarescuro; un foco de luz, que ten a súa orixe na parte esquerda do lenzo, ilumina a parte dereita do cadro, é dicir, á anciá, aos seus útiles e aos ovos que está a fritir, deixando escuro o resto de cadro, o fondo e o neno. Este clarescuro é moi intenso, de xeito que é difícil apreciar a parede que se atopa ao fondo do cadro, a cal só é posible identificar porque ten unha cesta colgando dela.
O realismo do lenzo é case fotográfico, Velázquez pon especial énfase en que os obxectos destaquen neste exemplo de bodegón, no que aparecen pratos, vasillas, potas, morteiros e xerras, destacando así o brillo especial do cristal ou a influencia da luz no melón que porta o rapaz. A fritura da vella está incriblemente lograda, tanto que semella que o aceite fervendo está a saltar diante dos ollos do espectador.
Os pés e as mans son as partes máis expresivas do corpo e, observando detidamente o lenzo, apréciase que o pintor traballou as mans da vella con moito detalle, ao igual que acontece coas mans do rapaz, que suxeita o melón e a vasilla.
O emprego de personaxes populares é recorrente nas pinturas da primeira época de Velázquez, chegando a utilizar modelos da súa contorna familiar en moitos casos; así por exemplo, a muller que aparece sita neste cadro aparece tamén na obra Cristo na casa de Marta e María.
O lenzo destaca asemade polas súas cualidades tenebristas, altos contrastes de luces e sombras, ao mesmo tempo que Velázquez fai uso de tonalidades clásicas e tenues, amosando un claro predominio das cores ocres e pardas. O virtuosismo do pintor queda patente nos detalles, coma o xeito de plasmar a natureza morta, as mans da vella e os obxectos acurtados segundo as regras da perspectiva.
A escena de organización oval, na que aparecen medias figuras en planos moi próximos, introduce ao espectador na acción conxelada.
Véxase tamén
[editar | editar a fonte]Bibliografía
[editar | editar a fonte]- Brown, Jonathan (1986). Velázquez. Pintor y cortesano (en castelán). Madrid: Alianza Editorial. ISBN 84-206-9031-7.
- Castillo, Gerardo (2015). La cuna del genio. 15 personajes que cambiaron el rumbo del arte y la ciencia (ebook) (en castelán). Ediciones Palabra. ISBN 9788490612903.
- Justi, Carl (1999). Velázquez y su siglo (en castelán). Madrid: Istmo. ISBN 9788470903724.
- Knox, Giles (2010). Las últimas obras de Velázquez. Reflexiones sobre el estilo pictórico (en castelán). Madrid: Centro de Estudios Europa Hispánica. ISBN 9788493677633.
- Marías, Fernando (1999). Velázquez. Pintor y criado del rey (en castelán). Madrid: Nerea. ISBN 84-89569-33-9.
- Velázquez. Catálogo de la exposición (en castelán). Madrid: Museo Nacional del Prado. 1990. ISBN 84-87317-01-4.
