Usuario:Joaquimterrassa/Minyons de Terrassa
Os Minyons de Terrassa son un grupo de castellers fundado en 1979. Teñen a súa sede en Terrasa e a súa camisa é de cor malva.
Os Minyons son a agrupación máis antiga de Terrasa, cidade sen tradición castellera ata a súa aparición, e son unha das agrupacións máis destacadas do mundo casteller, sendo os primeiros en ter completadas construcións de 10 pisos de altura.[1][2]
Historia[editar | editar a fonte]
Malia que Terrasa foi escenario de actuacións de castellers nas primeiras décadas do século XX, non foi ata a transición cando se comezaron a ver os primeiros castellers locais. No ano 1979, un grupo de xoves vinculados ao Centro Excursionista de Terrassa fixeron os seus primeiros castelos de xeito informal, e o grupo evolucionou ata completar una primeira actuación o 14 de xullo de 1979 na praza Vella de Terrasa.[3]
No ano 1980 unha escisión deu lugar á fundación dos Castellers de Terrassa. A pesar diso, a evolución dos Minyons foi notable, completando castelos de sete pisos o ano 1980 e acadando cargar o seu primeiro castelo de oito pisos, o 4 de 8, en 1982.
En 1987, os Minyons acudiron por primeira vez á Diada de San Félix en Vilafranca del Penedès, unha das máis importantes do calendario, onde lograron cargar o seu primeiro 2 de 8 amb folre, una torre que completarían en Terrasa nese mesmo ano, acadando tamén o 5 de 8 e o 3 de 8.
Após completar en 1989 o seu primeiro castelo de nove pisos, en 1993 a agrupación conseguiu, por primeira vez na historia, cargar o 2 de 9 amb folre i manilles, a primeira torre con tres bases. No mesmo 1993, a Generalitat de Cataluña concediulles a Creu de Sant Jordi, a máxima distinción do governo catalán.
En 1995 conseguiron en Barcelona o primeiro 5 de 9 amb folre do século XX, e en 1998 repetiron xesta en Xirona co primeiro 4 de 9 sense folre descargado en mais de 100 anos.[4] Meses mais tarde, o 22 de novembro de 1998, os Minyons converteronse na primeira agrupación en completar un castelo de dez pisos: o 3 de 10 amb folre i manilles, una construción que os Castellers de Vilafranca cargaran unha semana antes malia que a deixaron sen completar.[4]
En 2008, a agrupación marcou de novo un fito conseguindo cargar o primeiro 3 de 9 amb folre i pilar da historia[5]. E no ano 2015 os Minyons fixeron o primer 4 de 10 amb folre i manilles da historia, a torre máis grande da historia, convirténdose unha vez máis en pioneiros dos castells[6].
Posición contraria a os concursos de castells[editar | editar a fonte]
Ademais da súa filosofía innovadora tecnicamente, os Minyons destacan pola súa posición contraria a competición. Dende 1980, a agrupación negouse a participar en todas as edicións do Concurso de Castells de Tarragona, que se celebra nesta localidade de xeito bianual. A agrupación defende que os castells non deben ser unha competición nin se deben puntuar, ademais de opoñerse a outras características do certame como o cobro de entrada, a falta de colaboración do público e entre agrupacións ou o funcionamento da actuación.[7]
Malia que os Minyons non son a única agrupación que se negou a participar (fixérono, tamén, outros grupos como os Bordegassos de Vilanova), a agrupación de Terrasa sempre foi das máis críticas coa puntuación das torres e as competicións, unha postura que foi máis destacada polo feito de seren unha das agrupacións máis destacadas da súa actividade.[8]
.jpg)
Incorporación da muller ao mundo dos castells[editar | editar a fonte]
Dende a súa orixe a finais do século XIX, os castelos foron unha actividade puramente masculina, con algunha colaboración esporádica e anecdótica dalgunha persoa feminina próxima á actividade por vínculos basicamente familiares. Non foi ata a aparición dos Minyons de Terrassa en 1979, nun contexto de reivindicación, modernidade e progresismo, que as mulleres se incorporaron aos castells en situación de igualdade. En todo momento, os Minyons tiveron claro que as mulleres non podían quedar excluídas dunha actividade cultural, lúdica, festiva e mesmo fisicamente dura como son os castelos. Ata entón, como moito podía ser a enxaneta, pero non participaba na dinámica da agrupación nin ocupaba outros postos no tronco do castelo, núcleo ou piña.
Dende o primeiro momento, os Minyons de Terrassa formaron as súas construcións con homes e mulleres por igual. Esta innovación foi recibida con escepticismo por parte dos sectores máis tradicionalistas, mais as críticas quedaron silenciadas polos resultados positivos e os avances técnicos que provocou este cambio.[2]
Referencias[editar | editar a fonte]
- ↑ "14 de juliol: Fa 40 anys que es presentaven els Minyons de Terrassa". Catalunya M'agrada (en catalán). Consultado o 2022-01-10.
- ↑ 2,0 2,1 "Irreverents i pioners, la clau de l'èxit dels Minyons de Terrassa". VilaWeb (en catalán). Consultado o 2022-01-10.
- ↑ Minyons de Terrassa (ed.). http://www.minyons.cat/la-colla/historia/. Falta o
|title=(Axuda) - ↑ 4,0 4,1 Casteller, Baròmetre. "40de9: 1998: els primers castells de 10 i el 4 net | RevistaCastells.cat". revistacastells.cat (en catalán). Consultado o 2022-01-10.
- ↑ AVUI.cat. "Els Minyons carreguen l'inèdit 3 de 9 amb folre i agulla en la seva Diada - 16 nov 2008". El Punt Avui (en catalán). Consultado o 2022-01-10.
- ↑ Vallespín, Ivanna (2015-11-22). "Los Minyons hacen historia con el 4de10 con ‘folre y manilles’". El País (en castelán). ISSN 1134-6582. Consultado o 2022-01-10.
- ↑ Albalate, Joaquim. "Per què els Minyons de Terrassa no volen anar al Concurs de Castells?". www.naciodigital.cat (en catalán). Consultado o 2022-01-10.
- ↑ "Tot allò que cal saber sobre el Concurs de Castells de Tarragona". VilaWeb (en catalán). Consultado o 2022-01-10.
Enlaces externos[editar | editar a fonte]
- Minyons de Terrassa - Páxina web oficial da agrupación.